វ៉ាស៊ីនតោន៖នាង Ilhan Omar ស្ត្រីជនភៀសខ្លួននៃប្រទេសសូម៉ាលីហើយក៏ជាម្ដាយនៃកូន៣នា ក់ផងបានក្លាយជាអ្នកតំណារាស្ត្រសូម៉ាលី-អាមេរិកដំបូងគេនៅក្នុងសភាសហរដ្ឋអាមេរិកនៅរដ្ឋ Minnesota ដែលទើបជាប់ឆ្នោតកាលពីថ្ងៃទី ៨ វិច្ឆិកា ជាបេក្ខជនមកពីគណបក្សប្រជាធិបតេយ្យ។
នាង Ilhan Omar អាយុ ៣៤ ឆ្នាំ បានរត់ភៀសខ្លួនពីប្រទេសកេនយ៉ានៅឆ្នាំ១៩៩៥អំឡុងប្រទេសរបស់នាងកើតសង្គ្រាមស៊ីវិលនិងរំលោភសិទ្ធិមនុស្សធ្ងន់ធ្ងរ។
នាង ត្រវបានបង្ខំរៀបការតាំងនៅវ័យជំទង់គឺនៅពេលនាងរស់នៅក្នុងជំរុំនៃជនភៀសខ្លួន នៅប្រទេសកេនយ៉ា។ ស្ត្រីកាន់សាសនាម៉ូស្លីមរូបនេះបានមករស់នៅអាមេរិកឆ្នាំ១៩៩៥ ក៏ចាប់រៀនឡើងវិញ។ ភាសាអង់គ្លេសបានក្លាយជាមុខវិជ្ជាមួយដែលនាងត្រូវចាប់ឱ្យជាប់ ហើយក្លាយជាអ្នកបកប្រែភាសា។ ដោយមិនយូរប៉ុន្មាននាងក៏ចូលប្រឡូកក្នុងការងារសង្គម នៅអាមេរិកហើយក្លាយជាស្ត្រីសូម៉ាលីល្បី ឈ្មោះតំណាងឱ្យស្ត្រីមកពីទ្វីបអាហ្រិ្វក។
នាង Ilhan Omar បាននិយាយថា៖«ខ្ញុំគិតថា ខ្ញុំបាននាំសំឡេងយុវវ័យ សំឡេង ស្ត្រី នៅសហគមន៍អា ហ្វ្រិក សំឡេង ម៉ូស្លិម និងសំឡេង អ្នកម្ដាយ មកកាន់ទីនេះគឺ ស្វែងរកឱកាស មួយ ដើម្បី សេរីភាព» ។
នាងបានឈ្នះឆ្នោតដោយសំឡេងគាំទ្រលើសលប់។ នាងបានប្រាប់អ្នកគាំទ្រថារបៀបវារៈរបស់នាងគឺផ្ដោតលើ យុត្តិធម៌។
នាង Ilhan Omar បន្ដថា៖«ខ្ញុំនឹងមិន បោះបង់ចោល ការតស៊ូរបស់ខ្ញុំ ដើម្បីប្រជាធិបតេយ្យ សម្រាប់ប្រ ទេសខ្ញុំ និងសហគមន៍របស់ខ្ញុំនៅរដ្ឋ Minnesota ដែលបានផ្ដល់មោទនភាពឱ្យខ្ញុំ ។ ខ្ញុំតស៊ូដើម្បីអ្នក ហើយអ្នក បានជួយគាំទ្រ គឺខ្ញុំតស៊ូដើម្បីអ្នកជានិច្ច»។
លោក Mohamed Omar Giama ជាជនភៀសសូមាលីម្នាក់ដែរ និងជាអតីតឯកអគ្គរដ្ឋទូត សូម៉ាលី ប្រចាំសហភាពអឺរ៉ុបបានសម្ដែងមោទនភាពក្រៃលែងដែលមានស្រី្តសូម៉ាលីគឺនាង Ilhan Omar ក្លាយជាអ្នកតំណាងរាស្ត្រអាមេរិក-សូម៉ាលី៕