ប្រធានការិយាល័យសហព័ន្ធអន្តោប្រវេសន៍ និងជនភៀសខ្លួន បានឲ្យដឹងថា ប្រទេសឡឺម៉ង់រំពឹងថា អន្តោប្រវេសន៍នឹងមានចំនួនកើនឡើងរហូតដល់ ៣ សែននាក់ ចូលមកប្រទេសអាឡឺម៉ង់នៅក្នុងឆ្នាំ ២០១៦នេះ។
លោក Frank Juergen Weis បានប្រាប់កាសែត Bild am Sonntag ថា ការិយាល័យរបស់លោកនឹងជួបការលំបាក ប្រសិនបើមនុស្សកាន់តែច្រើនបានចូលមកក្នុងប្រទេស។ ប៉ុន្តែលោកមានជំនឿថា ជនអន្តោប្រវេសន៍ដែលនឹងមកដល់ថ្មីនេះ និងមានការវាយតម្លៃច្បាស់លាស់។
យោងតាមបណ្តាញផ្សាយព័ត៌មាន BBC រាយការណ៍ថា ជនចំណាកស្រុកច្រើនជាង ១លាននាក់មកពីប្រទេសអាហ្វហ្គានីស្ថាន និងទ្វីបអាហ្វ្រិកបានមកតាំងលំនៅថ្មីនៅប្រទេសអាល្លឺម៉ង់កាលពីឆ្នាំមុន។
ក្រសួងមហាផ្ទៃអាល្លឺម៉ង់បាននិយាយថា មនុស្សជិត ៤សែននាក់ ក្នុងរយៈពេល៦ ខែដើមឆ្នាំនេះ បានដាក់ពាក្យសុំសិទ្ធិជ្រកកោននៅក្នុងប្រទេសអាឡឺម៉ង់។ ប៉ុន្តែលោកក៏មិនច្បាស់ថា តើមានមនុស្សជាច្រើនទៀតនឹងមកដល់នៅក្នុងប្រទេសនេះកាលពីឆ្នាំ ២០១៥៕ ប្រភព៖BBC
