បច្ចេកវិទ្យា ព័ត៌មានវិទ្យាអាចជួយនាំរដ្ឋបាលមូលដ្ឋាននិងប្រជាពលរដ្ឋឱ្យកាន់តែខិតជិតជាមួយគ្នា ដែលធ្វើឱ្យកាន់តែងាយស្រួលក្នុងការផ្លាស់ប្តូរព័ត៌មាន។ កម្មវិធីទូរស័ព្ទដៃឈ្មោះថា «មតិយើង» ដែលសហការផលិតដោយអង្គការតម្លាភាព និងនាយកដ្ឋានមុខងារ និងធនធាន ក្រសួងមហាផ្ទៃ ផ្ដល់លទ្ធភាពឱ្យមានការផ្លាស់ប្តូរព័ត៌មានរវាងរដ្ឋបាលថ្នាក់ក្រោមជាតិជាមួយនឹងប្រជាពលរដ្ឋ។ កម្មវិធីទូរស័ព្ទដៃនេះអាចឆ្លើយតបទៅនឹងសកម្មភាពជាអាទិភាព និងគោលបំណងក្នុងអភិបាលកិច្ចល្អ ដែលកំពុងត្រូវបានអនុវត្តក្នុងខេត្តមួយចំនួនជាបណ្ដើរហើយ។ កញ្ញា ចាន់រ៉ាត់ សៀវមិញ រាយការណ៍ 20-11-23-Seav Minh-Our View
កម្មវិធីទូរស័ព្ទដៃ ដែលមានឈ្មោះថា “មតិយើង» នេះគឺបង្កើតឡើងសម្រាប់ប្រជាពលរដ្ឋជូនមតិយោបល់ត្រឡប់ និងដាក់ពាក្យបណ្តឹងរបស់ពួកគេពាក់ព័ន្ធនឹងការផ្តល់សេវារដ្ឋបាល នឹងការគ្រប់គ្រងរដ្ឋបាល មកការិយាល័យប្រជាពលរដ្ឋ។ អភិបាលកិច្ចល្អ ជាបុរេល័ក្ខខ័ណ្ឌដ៏សំខាន់បំផុតសម្រាប់ការអភិវឌ្ឍសេដ្ឋកិច្ចប្រកបដោយចីរភាព សមធម៌ និង យុត្តិធម៌។ អភិបាលកិច្ចល្អទាមទារឱ្យមានការចូលរួមយ៉ាងទូលំទូលាយ ការលើកកម្ពស់ការចែករំលែកព័ត៌មាន តម្លាភាព សមភាព បរិយាប័ន្ន នីតិរដ្ឋ និងគណនេយ្យភាព (យុទ្ធសាស្ត្រចតុកោណរបស់រាជរដ្ឋាភិបាលកម្ពុជា)។ សកម្មភាពជា អាទិភាពមួយ និងជាគោលបំណងមួយនៃកម្មវិធីជាតិ ដំណាក់កាលទី២ (២០២១-២០៣០) គឺការកែលម្អយន្តការ សម្រាប់ការចែករំលែកព័ត៌មានសាធារណៈ និងការទទួលពាក្យបណ្តឹង ឬមតិយោបល់ត្រឡប់ពីប្រជាពលរដ្ឋ។ នេះក៏ព្រោះតែពេលដែលប្រជាពលរដ្ឋបានទទួលនូវព័ត៌មានច្បាស់លាស់ ហើយសំឡេងរបស់ពួកគាត់ត្រូវបានទទួលដឹងឮ ពួកគាត់មាននិន្នាការចង់ចូលរួមក្នុងកិច្ចការសាធារណៈ និងធ្វើឲ្យរដ្ឋបាលរបស់ខ្លួនមានគណនេយ្យភាព។
កម្មវិធីទូរស័ព្ទដៃឈ្មោះថា «មតិយើង» ដែលសហការផលិតដោយអង្គការតម្លាភាព និងនាយកដ្ឋានមុខងារ និងធនធាន ក្រសួងមហាផ្ទៃ ផ្ដល់លទ្ធភាពឱ្យមានការផ្លាស់ប្តូរព័ត៌មានរវាងរដ្ឋបាលថ្នាក់ក្រោមជាតិជាមួយនឹងប្រជា ពលរដ្ឋ។ កម្មវិធីទូរស័ព្ទដៃនេះរួម ចំណែកយ៉ាងខ្លាំងដល់ការសម្រេចបាននូវគោលបំណងនៃសកម្មភាពជាអាទិភាព។ មុខងាររបស់កម្មវិធីទូរស័ព្ទដៃ «មតិយើង» ជាកម្មវិធីសម្រាប់ប្រជាពលរដ្ឋ ផ្ដល់ឱ្យប្រជាពលរដ្ឋនូវជម្រើសជាច្រើន។ ជម្រើសទាំងនេះ រួមមានការទទួល បានព័ត៌មានលម្អិតអំពីការផ្តល់សេវារដ្ឋបាលនៅក្នុងការិយាល័យច្រកចេញចូលតែមួយ ការសាកសួរព័ត៌មានអំពីសេវា រដ្ឋបាល ការសរសើរអំពីការបំពេញការងាររបស់មន្ត្រីរដ្ឋបាលមូលដ្ឋាន ការលើកជាសំណូមពរ ការផ្តល់មតិយោបល់ត្រឡប់ ការវាយតម្លៃទៅលើការផ្តល់សេវារដ្ឋបាល និងស្វែងយល់បន្ថែមអំពីការិយាល័យប្រជាពលរដ្ឋ រួមទាំង ការដាក់ពាក្យ បណ្ដឹងពាក់ព័ន្ធនឹងការផ្តល់សេវា ផងដែរ។
ការិយាល័យប្រជាពលរដ្ឋ ដឹកនាំដោយប្រធានការិយាល័យ ដែលកើតឡើងដោយការបោះឆ្នោត ដោយគណៈកម្មាធិការ បោះឆ្នោត ត្រូវបានបង្កើតឡើងនៅរដ្ឋបាលថ្នាក់ក្រោមជាតិទាំងអស់តាមខ្លឹមសារនៃអនុក្រឹត្យលេខ ១៩ អនក្រ.បកស្តីពី ការបង្កើតការិយាល័យប្រជាពលរដ្ឋ ត្រូវបានដាក់ឱ្យអនុវត្តនៅដើមឆ្នាំ២០១៧។ ការិយាល័យនេះ គឺជាយន្តការ អព្យាក្រឹត្យ មានតួនាទីទទួល និងសម្រុះសម្រួលដោះស្រាយបណ្ដឹងរបស់ប្រជាពលរដ្ឋ និងផ្តល់ព័ត៌មានត្រឡប់ជូនទៅ ប្រជាពលរដ្ឋវិញ។ កម្មវិធីទូរស័ព្ទដៃ នឹងគ្រប់គ្រងដោយប្រធានការិយាល័យប្រជាពលរដ្ឋ។ នាយកដ្ឋានមុខងារ និងធនធាន និងអង្គការតម្លាភាពកម្ពុជា កំពុងអនុវត្តសាកល្បងកម្មវិធីទូរស័ព្ទ «មតិយើង» នេះនៅរដ្ឋបាលខេត្តដែល បានជ្រើសរើសមួយចំនួន ដូចជា ខេត្តសៀមរាប និងខេត្តកំពង់ចាម និងនៅក្រុង ស្រុក និងខណ្ឌមួយចំនួន ដូចជា ខណ្ឌ ការមន ក្រុងសៀមរាប ក្រុងកំពង់ចាម ក្រុងកំពត ក្រុងស្ទឹងសែន ក្រុងពោធិ៍សាត់ ក្រុងបានលុង និងស្រុកពាមរក៍ និងរដ្ឋបាលក្រុង ស្រុកមួយចំនួនទៀត។ ជាមួយនឹងភាពជោគជ័យដ៏គួរឱ្យកត់សម្គាល់នៃការអនុវត្តសាកល្បងនេះ នាយកដ្ឋានមុខងារនិងធនធាន និងកម្មវិធី ISD គ្រោងដាក់ឱ្យអនុវត្តសាកល្បងកម្មវិធីទូរស័ព្ទដៃ “មតិយើង” នេះនៅរដ្ឋបាលខេត្ត បាត់ដំបង និងរដ្ឋបាលខេត្តបន្ទាយមានជ័យ និងនៅតាមរដ្ឋបាលក្រុង ស្រុកដែលបានជ្រើសរើសនៃខេត្តទាំងពីរនិងស្រុកចំនួនពីរផ្សេងទៀតនៃខេត្តសៀមរាបផងដែរ។ តារាងខាងក្រោមរង្ហញពីរដ្ឋបាលខេត្តគោលដៅ ក៏ដូចជារដ្ឋបាលក្រុង ស្រុក ដែលបានជ្រើសរើសសម្រាប់អនុវត្តសាកល្បងកម្មវិធីទូស័ព្ទដៃនេះ។
ក្នុងសិក្ខាសាលាកាលពីថ្ងៃទី១៤ ខែវិច្ឆិកា ក្រុមការងារបានបង្កើនការយល់ដឹងរបស់អ្នកចូលរួមអំពីលិខិតបទដ្ឋានគតិ យុត្តពាក់ព័ន្ធនឹងការិយាល័យប្រជាពលរដ្ឋ មានដូចជា អនុក្រឹត្យលេខ ១៩ អនក្រ.បក និងលិខិតរបស់ក្រសួងមហាផ្ទៃស្តី ពីការពង្រឹងការិយាល័យប្រជាពលរដ្ឋ ។ល។ សិក្ខាសាលានេះក៏បានណែនាំជូនអ្នកចូលរួមអំពីកម្មវិធីទូរស័ព្ទដៃ “មតិយើង» សម្រាប់ប្រជាពលរដ្ឋជូនមតិយោបល់ត្រឡប់ និងដាក់ពាក្យបណ្តឹងរបស់ពួកគេពាក់ព័ន្ធនឹងការផ្តល់សេវារដ្ឋបាល នឹងការគ្រប់គ្រងរដ្ឋបាល មកការិយាល័យប្រជាពលរដ្ឋ។
កម្មវិធីទូរស័ព្ទដៃ “ មតិយើង» នឹងដាក់ឱ្យអនុវត្តសាកល្បងនៅខេត្តបាត់ដំបង ខេត្តបន្ទាយមានជ័យ និងខេត្ត សៀមរាប ដែលជាជំហានដ៏សំខាន់មួយក្នុងការលើកកម្ពស់ការចូលរួម និងគណនេយ្យភាព៕
