ភ្នំពេញ ៖ បញ្ហាជម្លោះដីធ្លីបានធ្វើឱ្យក្រុមស្ត្រី ក្មេង ចាស់ ដែលមកពីខេត្តកោះកុងជាច្រើននាក់សម្រេចចិត្តចំណាកស្រុក ចេញមកតវ៉ានៅទីក្រុងភ្នំពេញដើម្បីស្វែងរកកិច្ចអន្តរាគមន៍ពីស្ថាប័នពាក់ព័ន្ធ។ រយៈពេលជិត ១០ ឆ្នាំមកនេះ ក្រោយពីរាជរដ្ឋាភិបាលកម្ពុជា សម្រេចផ្តល់ដីសម្បទានសេដ្ឋកិច្ច ប្រជាជននៅទីនោះ បាត់បង់ដីធ្លីផ្ទះសម្បែងដីចំការ។ ស្ត្រី និងកុមារបានធ្លាក់ខ្លួនធ្វើជាកម្មករប្រើកម្លាំងធ្ងន់ៗ ហើយថែមទាំងមិនបានចូលសិក្សាថែមទៀតផង។ កញ្ញា ឆេង ណាតា អ្នករាយការណ៍ព៌ត៌មាន វិទ្យុស្ត្រីបានទៅជួបស្ត្រីទាំងនៅស្នាក់នៅវត្តសាមគ្គីរង្ស៊ីក្នុងរាជធានីភ្នំពេញ បានរៀបរៀងបទយកការណ៍នេះសូមអញ្ជើញស្តាប់ដូចតទៅ៖
បើតាមការឱ្យដឹងពីពលរដ្ឋរងគ្រោះដីធ្លីមកពីខេត្តកោះកុងថាទំនាស់ដីធ្លីដែលបានកើត ទ្បើងនេះគឺចាប់តាំងពីឆ្នាំ ២០០៦ មកម្លេះ ហើយពួកគាត់ក៏បានដាក់ញត្តិរកកិច្ចអន្តរាគមន៍ពីក្រសួងពាក់ព័ន្ធរួចហើយដែរ ប៉ុន្តែដោយសារតែពុំទាន់មានការឆ្លើយតបទើបពួកគាត់សម្រេចទ្បើងមកភ្នំពេញជាថ្មីទៀត ដើម្បីតាមដានញាត្តិរបស់ពួកគាត់៕