loader

សម្ដេច ហ៊ុន សែន៖ បក្សប្រឆាំងធ្វើសកម្មភាពអ្វីក៏បាន កុំតែបំពានច្បាប់ខ្មែរ

ភ្នំពេញ៖ សម្ដេច ហ៊ុន សែន​ នាយករដ្ឋមន្ត្រីកម្ពុជា បានប្រកាសម្ដងទៀតថា សម្ដេច មិនឆ្លើយឆ្លងជាមួយអ្នកនយោបាយប្រឆាំងណាមួយឡើយ ហើយក៏មិនខ្វល់ចំពោះសកម្មភាពគណបក្សប្រឆាំងនៅក្រៅប្រទេសដែរ តែកុំឱ្យតែធ្វើសកម្មភាពខុសច្បាប់ ព្រោះច្បាប់បង្កើតឡើងសម្រាប់មានចំណាត់ការទៅលើអ្នកល្មើស ។

ថ្លែងនៅក្នុងជំនួបលើកទី៣ ជាមួយអ្នកសារព័ត៌មានឆ្នាំ ២០១៩ សម្ដេច ហ៊ុន សែន នាយករដ្ឋមន្ត្រីកម្ពុជា បន្តមិនតបតជាមួយអ្នកនយោបាយប្រឆាំងណាមួយឡើយ ។

សម្ដេច ហ៊ុន សែន បញ្ជាក់បែបនេះ រយៈពេលជាងកន្លះនាទីចុងក្រោយនៃសន្ទរកថាទាំងមូលរបស់សម្ដេច ដែលមានរយៈពេលជាងមួយម៉ោង។

យ៉ាងណា សម្ដេចថា អ្នកណាចង់ធ្វើអ្វីក៏ធ្វើទៅ តែកុំបំពានច្បាប់ខ្មែរ ព្រោះគេមានបង្កើតច្បាប់ខ្មែរ និងអាជ្ញាធរមកដើម្បីចាប់អ្នកប្រព្រឹត្តខុសច្បាប់ ។

 

ការថ្លែងបែបនេះរបស់នាយករដ្ឋមន្ត្រីកម្ពុជា មិនមែនជាលើកទីមួយនោះទេ បន្ទាប់ពីការយល់ព្រមភ្នាល់ល្បែងនយោបាយជាមួយលោក សម រង្ស៊ី ដែលមានលោក កឹម​ សុខា ជាដើមទុន ។

ជាងនេះទៅទៀត ការគម្រាមថានឹងយកច្បាប់មកអនុវត្តទៅលើបក្សប្រឆាំងក៏មិនមែនជាលើកទី ១ ដែរ ។

ថ្មីៗនេះ លោក សម រង្ស៊ី បានបញ្ជាក់ថា លោក នឹងចូលមកទឹកដីកម្ពុជាវិញនៅដើមឆ្នាំ ២០១៩ ។

យ៉ាងណា មន្ត្រីអតីតគណបក្សប្រឆាំង រួមទាំងអ្នកគាំទ្រ គណបក្សនេះនៅតាមមូលដ្ឋាន បានបង្ហាញជំហរដោយត្រៀមខ្លួនចាំទទួលហែហម លោក សម រង្ស៊ី ចូលមកកម្ពុជាវិញ ។

អ្នកវិភាគនៅកម្ពុជា ធ្លាប់បរិយាយថា ពួកគេមិនសូវជាមានជំនឿលើសម្ដីអ្នកនយោបាយនោះទេ ពោលគឺមិនសូវជាមានជំនឿចិត្តថា លោក សម រង្ស៊ី វិលចូលកម្ពុជាវិញ ។

តែយ៉ាងណា​ អ្នកវិភាគថា បើលោក សម រង្ស៊ី វិលចូលទឹកដីកម្ពុជា អាចនឹងដោះស្រាយនយោបាយនៅកម្ពុជាបាន ។

យ៉ាងណា សម្ដេច ហ៊ុន សែន ក៏ធ្លាប់បានព្រមានដែលថា សម្ដេចត្រៀមកម្លាំងចាប់ខ្លួនលោក សម រង្ស៊ីរួចរាល់ហើយ ។

នាយករដ្ឋមន្ត្រីកម្ពុជា អំពាវនាវឱ្យលោក សម រង្ស៊ី ចូលស្រុក ហើយសម្ដេច នឹងចាប់ដាក់គុក ដើម្បីឱ្យលោក សម រង្ស៊ី អាចក្លាយជាវិរៈបុរសនៅក្នុងគុក ៕

អត្តបទដោយ៖ សោម លាភ

ព័ត៌មានទាក់ទង

WMC ផ្តល់វគ្គបណ្តុះបណ្តាលអ្នកសារព័ត៌មានស្តីពីការលើកកម្ពស់ស្រ្តីនិងយុវជនក្នុងភាពជាអ្នកដឹកនាំ

ភ្នំពេញ៖ មណ្ឌលព័ត៌មានស្រ្តីកម្ពុជា(WMC)នៅថ្ងៃ[...]

មន្ត្រីជាន់ខ្ពស់ចិនថាចិនមិនបានទាញកម្ពុជាធ្លាក់ក្នុងអន្ទាក់ខ្លួនទេតែអ្នកវិភាគថាកម្ពុជាខ្លួនឯងត្រូវកុំឱ្យធ្លាក់ក្នុងអន្ទាក់ចិន

អនុរដ្ឋមន្រ្តីក្រសួងការបរទេសចិនបានមកធ្វើទស្សន[...]

នាយករដ្ឋមន្ត្រីថាការបោះឆ្នោតឆ្នាំ ២០២៣ អាចនឹងមានបញ្ហា ខណៈអ្នកវិភាគថាមកពី​បញ្ហា​នយោបាយបច្ចុប្បន្ន

សម្ដេច ហ៊ុន សែន ថ្លែងថា ការបោះឆ្នោតឆ្នាំ​២០២៣[...]

ព័ត៏មានថ្មី

វីដេអូថ្មីបំផុត