ព្រះករុណាព្រះបាទនរោត្តម សីហមុនី ព្រះមហាក្សត្រនៃព្រះរាជណាចក្រកម្ពុជាបានចេញព្រះរាជក្រឹត្យត្រាសបង្គាប់ នៅថ្ងៃទី ១៧ ខែមីនា ឆ្នាំ២០២៣ សម្រេចដំឡើង ឋានន្ដរស័ក្ដិ ឯកឧត្ដម ហ៊ុន ម៉ាណែត ដែលមានងារជា ឧត្តមសេនីយ៍ឯក  ទៅជានាយឧត្តមសេនីយ៍(ផ្កាយ៤) នៃកងយោធពលខេមរភូមិន្ទ។

ព្រះរាជក្រឹត្យបានបន្ដថា នាយករដ្ឋមន្ដ្រី ហ៊ុន សែន ជាអ្នកទទួលបន្ទុកអនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្ថលេខានេះតទៅ។

សូមជម្រាបថា លោក ហ៊ុន ម៉ាណែត មានអត្តលេខ ០៣៣៨៨៣ ជានាយទាហាន ថ្នាក់ឧត្តមសេនីយ៍នៃកងយោធពលខេមរភូមិន្ទ។ក្រៅពីនេះ លោកត្រូវបានគណបក្សកាន់អំណាចជ្រើសរើសជាបេក្ខភាពនាយករដ្ឋមន្ដ្រីបន្ដវេនផងដែរ៕