en     km
en     km

លោក ឌិត ទីណា ៖ ក្រសួងកសិកម្ម មិនអាចក្លាយជាគ្រូទាយលើផលិតផលកម្មនោះទេ

Share

លោក ទិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អះអាងថា ក្រសួងកសិកម្ម មិនអាចក្លាយជាគ្រូទាយលើផលិតផលកម្មនោះទេ។ទោះយ៉ាងណា លោករដ្ឋមន្ត្រីកសិកម្មបានបង្ហាញនូវទស្សនទាន ក្នុងការចងក្រងសម្រាប់អ្នកផលិត អ្នកនាំចូលទៅទីផ្សារ ដើម្បីចៀសវាងការដាំដំណាំតាមគ្នា ធ្វើឱ្យចាល់លើទីផ្សារ។ លោក គីម ចាន់ចាវ រាយាការណ៍

 

 

ឆ្លើយតបនឹងសំណួរដែលថា តើគួររៀបចំយន្តការបែបណាដើម្បីឱ្យការផលិតនូវផលិតផលកសិកម្មយ៉ាងណាដើម្បីឱ្យ មានទីផ្សារ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានលើកឡើងថា គេមិនអាចបាន់ស្មានដោយរឹងត្អឹងនោះឡើយ លើបញ្ហាទីផ្សារកសិផល។ ក្រសួងកសិកម្ម មិនអាចក្លាយជាគ្រូទាយលើផលិតផលកម្មនោះទេ។ ប៉ុន្តែលោក អះអាងថា ក្រសួងអាចប៉ានស្មាន ទូទស្សន៍ទាយ ដោយផ្អែកលើព័ត៌មានផលិតកម្មផ្សេងៗ រួមជាមួយនឹងតម្រូវការ។ ដំណាំយុទ្ធសាស្ត្រ គឺមានអ្វីៗទៅតាមយុទ្ធសាស្រ។ លោកបញ្ជាក់បែបនេះ ក្នុងសន្និសីទសារព័ត៌មានស្ដីពី«ទស្សនទាន ក្នុងវិស័យកសិកម្មនៅកម្ពុជា» នៅព្រឹកថ្ងៃទី០៥ ខែមករានេះ។

លោករដ្ឋមន្ត្រីកសិកម្ម នៅតែមិនហ៊ានអះអាងពីការទស្សន៍ទាយនេះ ដោយហេតុថា លោកបារម្ភខ្លាចក្រែង ក្រោយក្រសួងប្រាប់ឱ្យពលរដ្ឋដាំដុះដំណាំដែលមានទីផ្សារ នោះពលរដ្ឋអាចនឹងនាំគ្នាដំាដំណាំនោះទាំងអស់គ្នា ដែលនាំឱ្យរាំងស្ទះ។

​សូមជម្រាបថា កន្លងមកប្រជា​កសិករ​មួយចំនួន​បាន​រអ៊ូរទាំ​ថា ទម្រាំ​ដល់​ពេល​ប្រមូល​ផល គឹ​ត្រូវ​ចំណាយ​អស់​ច្រើន​ទាំង​កម្លាំងកាយ និង​ថវិកា ដើម្បី​ទិញ​ប្រេង ជី ថ្នាំ​សម្រាប់​បាញ់​ការពារ​សត្វ​។ ថវិកា​ទាំងនោះ បានមក​ពី​ការ​ខ្ចីបុល​ពី​ឯកជន ជាពិសេស​ខ្ចី​ពី​អង្គកា​រធនាគា​ហិរញ្ញវត្ថុ​។ កសិករ​សង្ឃឹមថា ពេល​ប្រមូល​ផល នឹង​លក់បាន​ក្នុងតម្លៃ​មួយ​សមរម្យ ប៉ុន្តែ​ប្រែជា​លក់​មិន​ចេញ ឬ​លក់​បាន​តម្លៃ​ទាប់​ទៅវិញ​។ បញ្ហា​នេះ បាន​បង្ក​ឲ្យ​ប្រជាកសិក​របាក់​ទឹកចិត្ត និង​ចង់​ធ្វើការ​ចំណាកស្រុក​ទៅ​ក្រៅប្រទេស ដើម្បី​សងបំណុល​ធនាគារ​។​

​ជំវិញការបញ្ហាទីផ្សារ​កសិផល​ខ្មែរ​នេះ  ត្រូវ​អ្នកជំនាញ​កសិកម្ម និង​អ្នកសេដ្ឋកិច្ច មើលឃើញថា មក​ពី​តម្រូវការ​ទីផ្សារ​នាំ​ចេញ​របស់​កម្ពុជា​មាន​តិចតួច ខណៈ​ដំណាំ​កសិផល​បរទេស​ចេះតែ​ហូរ​ចូល ដោយ​គ្មាន​វិធានការ​ទប់​ស្តាប់​ត្រឹមត្រូវ​ពី​សំណាក់​អាជ្ញាធរ​មូលដ្ឋាន​។ ​ការនាំ​ចេញ​តិចតួច​ជា​រឿង​សំខាន់​មួយ តែ​រឿង​សំខាន់​ជាង​នេះ​ទៀត​នោះ គឺ​យន្តការ​នៃ​ការនាំ​ចេញ​ទៅ​ក្រៅប្រទេស នៅ​មាន​ភាព​លំបាក​សម្រាប់​កម្ពុជា និង​ខ្វះ​ទំនុកចិត្ត​លើ​គុណភាព សុ​វត្តិភាព ពី​ទីផ្សារ​អន្តរជាតិ​៕

Share

Image
Image
Image