loader

លោក កឹម សុខា បន្ដជួបស្ថានទូតធំៗ ជជែកពីសិទ្ធិសេរីភាពរបស់ខ្លួន

កាលពីថ្ងៃទី២៨ ខែតុលា ឆ្នាំ២០២២ លោក កឹម សុខា ប្រធានអតីតគណបក្សសង្រ្គោះជាតិបានបន្ដជួបជាមួយឯកអគ្គរដ្ឋទូតសហភាពអឺរ៉ុបប្រចាំកម្ពុជា គឺលោកស្រី Carmen Moreno តែលោកបានឱ្យដឹងនៅលើទំព័រហ្វេសប៊ុកផ្លូវការនៅថ្ងៃទី២៩ ខែតុលា។ លោក កឹម សុខា បញ្ជាក់ថានេះ ជាជំនួបថ្មីម្តងទៀត នៅស្ថានទូតសហភាពអឺរ៉ុប ជាមួយលោកស្រី Carmen បន្ទាប់ពីលោកស្រីទើបតែបានវិលត្រឡប់មកពីប្រជុំអ្នកការទូតសហភាពអឺរ៉ុបនៅទីស្នាក់ការកណ្តាលនាទីក្រុងប្រ៊ុចសែល។

បើតាមលោក កឹម សុខា ជំនួបជាមួយលោកស្រីឯកអគ្គរដ្ឋទូតនេះ បានពិភាក្សាផ្លាស់ប្តូរព័ត៌មាន និងទស្សនៈគ្នាអំពីស្ថានការណ៍នានានៅកម្ពុជាដែលពាក់ព័ន្ធនឹងការចាប់អារម្មណ៍របស់សហភាពអឺរ៉ុប ជាពិសេសបញ្ហាសិទ្ធិមនុស្ស និងលទ្ធិប្រជាធិបតេយ្យក៏ដូចជាករណីដំណើរការសវនាការ និងសិទ្ធិសេរីភាពរបស់លោក កឹម សុខា។

ជាការកត់សម្គាល់កាលពីពេលថ្មីៗនេះ សហស្ថាននិកនៃអតីតគណបក្សសង្គ្រោះជាតិរូបនេះ ក៏បានជួបជាមួយលោក Murphy ឯកអគ្គរដ្ឋទូតសហរដ្ឋអាមេរិកផងដែរ ក្នុងការផ្លាស់ប្ដូរទស្សនៈការស្ដារឡើងវិញពេញលេញនូវសិទ្ធិនយោបាយ និងសិទ្ធិពលរដ្ឋ។

បើតាមលោក កឹម សុខា បញ្ជាក់ថា ឆាប់ៗខាងមុខនេះ បណ្ដាប្រទេសជាមិត្តជាមួយកម្ពុជា គ្រោងជួបលោកអំឡុងកិច្ចប្រជុំដែលធ្វើឡើងនៅខែវិច្ឆិកា និងខែធ្នូ ដើម្បីផ្លាស់ប្តូរព័ត៌មាន និងទស្សនៈគ្នា អំពីការវិវត្តន៍នៃដំណើរការសវនាការ និងសិទ្ធិសេរីភាពរបស់លោកព្រមទាំងលំហរប្រជាធិបតេយ្យនៅកម្ពុជា។

តែយ៉ាងណា នៅថ្ងៃទី២១ ខែធ្នូ ឆ្នាំ២០២២ខាងមុខ តុលាការនឹងបើកសវនាការរបស់លោកជាថ្មី ដើម្បីធ្វើសេចក្តីសន្និដ្ឋានលើសំណុំរឿងពីបទសទ្ទិដិ្ឋភាពជាមួយបរទេសដើម្បីផ្តួលរំលំរដ្ឋាភិបាលកម្ពុជា៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ករណីឱ្យសមាគមគ្រូបង្រៀនអាចដង្ហែធម្មយាត្រានិងការតម្រូវឱ្យផ្ញើរបាយការណ៍សកម្មភាពការងារនិងហិរញ្ញវត្ថុជារឿងពីរផ្សេងគ្នា

លោកនាយឧត្តមសេនីយ៍ ខៀវ សុភ័ក្រ អ្នកនាំពាក្យក្រ[...]

អង្គការចំនួនពីរសហការផ្តល់ការអប់រំឡើងវិញដល់កុមារបឋមសិក្សា៦៣៨សាលាក្នុងខេត្តចំនួន១០

ភ្នំពេញ៖ អង្គការ អេដ អេ អាកស្យុង និង អង្គការ [...]

មន្ដ្រីនគរបាលម្នាក់ត្រូវបានបន្ថយសក្ដិក្រោយឃាត់ស្ដ្រីបើកបរមិនពាក់ខ្សែក្រវ៉ាត់នៅក្រៅម៉ោងធ្វើការ

នៅថ្ងៃទី២៦ ខែ មករា ឆ្នាំ២០២៣នេះ ក្រុមការងារព័[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x