loader

ខេត្តកំពង់ធំ៖ ពលរដ្ឋឃុំកំពង់ស្វាយសហការរៃអង្គាសថវិកាជួសជុលផ្លូវខូចប្រវែងជាង ៣ ពាន់ម៉ែត្រ

ខេត្តកំពង់ធំ៖ កាលពីពេលថ្មីៗនេះ ប្រជាពលរដ្ឋរស់នៅក្នុងភូមិមួយចំនួនស្ថិតក្នុងឃុំកំពង់ស្វាយ ស្រុកកំពង់ស្វាយ ខេត្តកំពង់ធំ បានសហការគ្នារៃអង្គាសថវិកាជួសជុលផ្លូវមួយខ្សែមានប្រវែងជាង ៣ ពាន់ម៉ែត្រដែលរងការខូតខាតបន្ទាប់ពីភ្លៀងធ្លាប់ជាប់ៗគ្នាជាច្រើនថ្ងៃ។

 

សកម្មភាពគ្រឿងចក្រកំពុងជួសជុលផ្លូវខូចខាត។

 

ការជួសជុលផ្លូវខូចនេះ ផ្តួចផ្តើមគំនិតដោយព្រះគ្រូ យាន ស្រេង ចៅអធិការវត្ត ឥន្ទកុមារ សហការជាមួយគណៈកម្មការវត្ត និងអាជ្ញាធរមូលដ្ឋាន។

ថវិកាដែលប្រមូលបាននេះ មានការបរិច្ចាគពីសំណាក់មេឃុំ អធិការប៉ុស្តិ៍ សិស្សានុសិស្ស និងប្រជាពលរដ្ឋតាមភូមិនីមួយក្នុងឃុំកំពង់ស្វាយ ពិសេសព្រះចៅអធិការវត្ត ឥន្ទកុមារ ក៏បានបរិច្ចាគបច្ច័យមួយចំនួនផងដែរ។

សកម្មភាពព្រះសង្ឃនិងពុទ្ធបរិស័ទកំពុងជួសជុលផ្លួវ។

 

ចៅអធិការវត្ត ឥន្ទកុមារ ​ព្រះតេជគុន យាន ស្រេង មានសង្ឃដីកាថា ការផ្តើមគំនិតជួសជុលផ្លូវមួយខ្សែនេះ គឺក្នុងគោលបំណងសម្រួលដល់ក្នុងធ្វើដំណើររបស់បងប្អូនប្រជាពលរដ្ឋក្នុងឃុំឱ្យងាយស្រួលធ្វើដំណើរដឹកកសិផល និងងាយស្រួលដល់សិស្សានុសិស្សធ្វើដំណើរទៅសិក្សារៀនសូត្រ។

ព្រះគ្រូវត្តឥន្ទកុមារខាងលើបន្ថែមថា ការដែលមានផ្លូវល្អបែបនេះ ក៏អាចសម្រួលដល់ការដឹកអ្នកជំងឺទៅមន្ទីរពេទ្យពេលយប់ព្រលប់ ពិសេស បង្កភាពងាយស្រួលដល់ពុទ្ធបរិស័ទទៅធ្វើបុណ្យបំពេញកុសលនារដូវបុណ្យភ្ជុំបិណ្ឌខាងមុខនេះ។

ព្រះតេជគុនកំពុងពិនិត្យមើលការស្ថាបនាផ្លូវ។

 

ព្រះចៅអធិការ យាន ស្រេង សំណូមពរដល់ពុទ្ធបរិស័ទជិតឆ្ងាយមានសទ្ធាជ្រះថ្លា រួមគ្នាបរិច្ចាគថវិកាជាបច្ច័យទុកសម្រាប់កសាងនិងជួសជុលសំណងអាគារ និងហេដ្ឋារចនាសម្ព័ន្ធនានា ដើម្បីជាភាពងាយស្រួលដល់សិស្សានុសិស្សនិងប្រជាពលរដ្ឋធ្វើដំណើរ៕

ផ្លូវត្រូវរងការខូចខាតបន្ទាប់ពីមានភ្លៀងធ្លាក់ច្រើនមេជាប់ៗគ្នា។

 

អត្ថបទខ្លីនេះសរសេរដោយ ផាត សុភត្រា  ជាសិក្ខាកាមក្នុងវគ្គបណ្តុះបណ្តាលស្ថិតក្នុងគម្រោងសំឡេងយុវជនមានសារៈសំខាន់ គាំទ្រដោយសហភាពអឺរ៉ុបប្រចាំកម្ពុជា(EU) និង DW Akademie។

 

 

3 1 vote
Article Rating
guest
0 Comments
Inline Feedbacks
View all comments

ព័ត៌មានទាក់ទង

យុវជន៣០នាក់ធ្វើយុទ្ធនាការជិះកង់ជំរុញរដ្ឋាភិបាលពង្រឹងសិទ្ធិមនុស្សលើគ្រប់វិស័យ

យុវជនចំនួន ៣០នាក់ បាននឹងកំពុងធ្វើយុទ្ធនាការជិ[...]

កម្ពុជាបញ្ជូនទ័ពមួកខៀវ២កងមានទ័ពនារីជាង៤០នាក់ទៅបំពេញការងារក្រោមឆត្រUNនៅប្រទេសម៉ាលី

នៅរាត្រីពីថ្ងៃទី ០៥ ខែធ្នូ ឆ្នាំ២០២២ ម្សិលមិញ[...]

លោក ហ៊ុន ម៉ានី ច្រានចោលករណីចោទថាយកឈ្មោះសមាជិកខ្លួនទៅក្រសួងអប់រំលៃលកឱ្យជាប់បាក់ឌុប

លោក ហ៊ុន ម៉ានី ច្រានចោលការចោទប្រកាន់ដែលថាលោកប[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x