សេអ៊ូល៖ ប្រព័ន្ធផ្សព្វផ្សាយរដ្ឋបានអោយដឹងកាលពីថ្ងៃព្រហស្បតិ៍ថា មេដឹកនាំកូរ៉េខាងជើង លោក គីម ជុងអ៊ុន បានព្រមានថា លោកបានត្រៀមខ្លួនរួចជាស្រេចក្នុងការប្រើប្រាស់អាវុធនុយក្លេអ៊ែរ នៅក្នុងជម្លោះយោធាជាមួយសហរដ្ឋអាមេរិក និងកូរ៉េខាងត្បូង។
អ្នកសង្កេតការណ៍មួយចំនួនបាននិយាយថា កូរ៉េខាងជើងទំនងជានឹងបង្កើនការគំរាមកំហែងប្រឆាំងនឹងសហរដ្ឋអាមេរិក និងកូរ៉េខាងត្បូង នៅពេលដែលប្រទេសទាំង២នេះបានរៀបចំសមយុទ្ធនៅរដូវក្តៅ ដែលកូរ៉េខាងជើងថាសមយុទ្ធនេះជាការឈ្លានពាន។
លោក Kim បានថ្លែងនៅក្នុងសុន្ទរកថាកាលពីថ្ងៃពុធថា “កងកម្លាំងប្រដាប់អាវុធរបស់យើងបានត្រៀមខ្លួនជាស្រេចដើម្បីឆ្លើយតបទៅនឹងវិបត្តិណាមួយ ហើយសង្គ្រាមនុយក្លេអ៊ែររបស់យើងក៏ត្រៀមខ្លួនរួចហើយដែរក្នុងការប្រមូលផ្តុំកម្លាំងដាច់ខាត និងឆាប់រហ័សស្របតាមបេសកកម្មរបស់យើង” ។ លោក Kim ថ្លែងទៅកាន់អតីតយុទ្ធជនក្នុងខួបលើកទី 69 នៃការបញ្ចប់នៃសង្គ្រាមកូរ៉េឆ្នាំ 1950-53។
លោកគីមបានចោទសហរដ្ឋអាមេរិកពីបទ«បង្ខូចកេរ្តិ៍ឈ្មោះ» កូរ៉េខាងជើង ដើម្បីបង្ហាញពីភាពត្រឹមត្រូវនៃគោលនយោបាយអរិភាពរបស់ខ្លួន។ លោកបាននិយាយថា សមយុទ្ធយោធារវាងសហរដ្ឋអាមេរិក និងកូរ៉េខាងត្បូងបង្ហាញពីទិដ្ឋភាព “ស្តង់ដារពីរ” និង “ដូចជនពាល” ព្រោះអាមេរិកចោទសកម្មភាពយោធាប្រចាំថ្ងៃរបស់កូរ៉េខាងជើង ដែលបានធ្វើតេស្តមីស៊ីល ជាការបង្កហេតុ ឬការគំរាមកំហែង។
លោក Kim ក៏បានហៅប្រធានាធិបតីកូរ៉េខាងត្បូងថ្មី Yoon Suk Yeol ថាជា “មនុស្សឆ្កួតកំរោលចូល” ។
ចាប់តាំងពីចូលកាន់តំណែងក្នុងខែឧសភាមក រដ្ឋាភិបាល Yoon បានផ្លាស់ប្តូរដើម្បីពង្រឹងសម្ព័ន្ធភាពយោធាទីក្រុងសេអ៊ូលជាមួយសហរដ្ឋអាមេរិក និងពង្រឹងសមត្ថភាពរបស់ខ្លួនក្នុងការបន្សាបការគំរាមកំហែងនុយក្លេអ៊ែររបស់កូរ៉េខាងជើង រួមទាំងទប់ទល់សមត្ថភាពវាយប្រហារទុកជាមុន។
លោក Kim បាននិយាយថា “ការនិយាយអំពីសកម្មភាពយោធាប្រឆាំងនឹងជាតិរបស់យើង ដែលមានសព្វាវុធខ្លាំងដែលពួកគេខ្លាចបំផុតនោះ គឺជាការធ្វើអត្តឃាតដ៏គ្រោះថ្នាក់បំផុត”។ “ការប៉ុនប៉ងដ៏គ្រោះថ្នាក់បែបនេះនឹងត្រូវទទួលប្រតិកម្មភ្លាមៗដោយកម្លាំងដ៏មានឥទ្ធិពលរបស់យើង ហើយរដ្ឋាភិបាល Yoon Suk Yeol និងយោធារបស់គាត់នឹងត្រូវវិនាស។”
ប្រភព៖ AP, 28 July 2022
