ប្រជាពលរដ្ឋមួយចំនួនបានកត់សំគាល់ឃើញថា បរិស្ថានហាក់ល្អប្រសើរជាងមុន ដោយពលរដ្ឋខ្លះបានសរសើរថា នៅតាមដងផ្លូវនិងនៅតាមមុខផ្ទះរបស់ពួកគេមានសំរាមតិចប៉ុណ្ណោះ នេះដោយសារការប្រមូលសំរាមល្អជាងមុន។ តែយ៉ាងណាកម្មករប្រមូលសំរាមដែលក្រុមការងារបានចុះសម្ភាសន៍ក្នុងខណ្ឌចំនួន ៣  នៅក្នុងរាជធានីភ្នំពេញបានលើកឡើង ពួកគេនៅតែប្រឈមការលំបាកខ្លះៗព្រោះការញ៉ែកសំរាមនៅជាបញ្ហាចោទដដែរ។ តែរបៀបធ្វើការនិងលក្ខខណ្ឌការងាររបស់ពួកគេជាមួយក្រុមហ៊ុនមានភាពល្អប្រសើរបន្ទាប់ពីកិច្ចការប្រមូលសំរាមមានក្រុមហ៊ុនប្រកួតប្រជែង។