loader

អ្នកការពារបរិស្ថានប្រតិកម្មចម្រុះពីអនុក្រឹត្យស្ដីពីការកំណត់និយាមកាផ្ទៃបឹងទន្លេបាទី

ក្រោយពីអនុក្រឹត្យដែលចេញដោយរាជរដ្ឋាភិបាលកម្ពុជា ស្ដីពីការកំណត់និយាមកាផ្ទៃបឹងទន្លេបាទី សល់៩៧ហិចតាជាសម្បត្តិរដ្ឋ ខណៈជាង២០០ហិចតាឯកជនកាន់កាប់មក អ្នកការពារបរិស្ថានចម្រុះគ្នា បានប្រតិកម្មតប នឹងអនុក្រឹត្យនេះ ដោយស្នើគិតពីផលប៉ះពាល់ដែលអាចកើតមានដល់ប្រជាពលរដ្ឋមូលដ្ឋាន។

លោក ឡាក់ ច័ន្ទតារា ជូននូវសេចក្ដីរាយការណ៍៖

​មហាជន​, អ្នកការពារធនធានធានធម្មជាតិ និងអ្នកនយោបាយមួយចំនួន បានប្រតិកម្មជំទាស់ និងអនុក្រឹត្យដែលចេញដោយរាជរដ្ឋាភិបាលកម្ពុជា ស្ដីពីការកំណត់និយាមកាផ្ទៃបឹងទន្លេបាទី ដែលមានភូមិសាស្ដ្រក្នុងស្រុកបាទី ខេត្តតាកែវ និងស្រុកកណ្ដាលស្ទឹង ខេត្តកណ្ដាល កាលពីថ្ងៃទី២ ខែមីនា ឆ្នាំ២០២២។ នេះបើយោងទៅតាមហ្វេសប៊ុកផេក គណៈបក្សនយោបាយ និងសកម្មជនបរិស្ថានមួយចំនួនដែលបានជំទាស់ការភិវឌ្ឍផ្ទៃបឹងទន្លេបាទីនេះ។

ក្នុងនោះ កាលពីថ្ងៃទី២៤ ខែមិថុនា ឆ្នាំ២០២២ ​គណបក្សប្រជាធិបតេយ្យមូលដ្ឋានបានលើកប្រតិកម្មថា “សូម្បីតែទន្លេបាទីដែលជាតំបន់ប្រវត្តិសាស្រ្តក៏ត្រូវស្នើលុបដែរ ហើយជាការលុបដើម្បីផលប្រយោជន៍ឯកជន”។ គណៈបក្សនបាយធ្វើការលើរឿង អភិរក្សនិងអភិវឌ្ឍបឹង ទន្លេ ព្រែក អូរ និងស្ទឹងដើម្បីផលប្រយោជសង្គមជាតិទាំងមូលនេះ បន្ដថា យើងស្នើឲ្យមានការអភិរក្សនិងអភិវឌ្ឍទន្លេនេះឲ្យក្លាយជាតំបន់ទេសចរណ៍ធម្មជាតិ វប្បធម៌ និងប្រវត្តិសាស្រ្តដែលជួយដល់ប្រាក់ចំណូលសហគមន៍មូលដ្ឋាននិងសុខមាលភាពប្រជាពលរដ្ឋទីក្រុង។

ក្រៅពីនេះ ក៏មានបណ្ដាសមាគមបរិស្ថានដទៃទៀត ក៏ជំទាស់លើរឿងផ្ទៃបឹងទន្លបាទីនេះដែរ ដោយស្នើឱ្យរដ្ឋពិចារណាលើផលប៉ះពាល់ និងប្រយោជន៍ប្រជាពលរដ្ឋមូលដ្ឋាន។

តាមសំណើពីក្រសួងដែនដី នគរូបនីយកម្ម និងសំណង់ អនុក្រឹត្យនោះបានកំណត់ថា ​ផ្ទៃដីបឹងទន្លេបាទី ៩៧ហិចតា ជាសម្បត្តិរបស់រដ្ឋ និង២២២ហិកតា ដែលរដ្ឋបានសម្រេចធ្វើអនុបយោគឱ្យទៅឯកជន ធ្វើការអភិវឌ្ឍ។

យ៉ាងណាមិនទាន់មានការឆ្លើយតបនោះទេពីរដ្ឋាភិបាល ខណៈមានការសាកសួរទៅអ្នកនាំពាក្យក្រសួងដែនដីនគររូបនីយកម្ម និងសំណង់ តែឯកឧត្តម សេង ឡូតថា ឱ្យសួរទៅខាងរដ្ឋបាលខេត្តតាកែវវិញ។

ទោះបែបនេះក្ដី វិទ្យុស្ដ្រីមិនទាន់អាចទាក់ទងរដ្ឋបាលខេត្តតាកែវបានទេ ដោយទូរសព្ទចូលតែគ្មានអ្នកទទួល។

គួរជម្រាបថា ទន្លេបាទីគឺជាកន្លែងទាក់ទាញទេសចរមួយបែបធម្មជាតិ ដែលអាចរកចំណូលដល់ប្រជាជនមូលដ្ឋានតាមរយៈទេសចរទៅកម្សាន្ដ និងទស្សនាប្រាសាទបុរាណដ៏ចំណាស់មួយ គឺប្រាសាទតាព្រហ្មមានអាយុកាលតាំងពីចុងសតវត្សរ៍ទី១២ និងដើមសតវត្សរ៍ទី១៣៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

អ៊ុយក្រែនបង្កើនការវាយលុកដើម្បីដណ្តើមយកទីក្រុង Kherson មកវិញ

អ៊ុយក្រែនបង្កើនការវាយលុកដើម្បីដណ្តើមយកទីក្រុង Kherson មកវិញ

ថ្ងៃព្រហស្បតិ៍ ទី២៨ ខែកក្កដា ឆ្នាំ២០២២

ប្រភព​យោធា​លោកខាងលិច​និយាយ​ថា ​អ៊ុយក្រែនកំពុង[...]

នៅកម្ពុជាបច្ចុប្បន្នស្រ្តីប្រកបវិជ្ជាជីវៈជាអ្នកសារព័ត៌មាននៅមានចំនួនតិចតួចនៅឡើយនៅកម្ពុជាបច្ចុប្បន្នស្រ្តីប្រកបវិជ្ជាជីវៈជាអ្នកសារព័ត៌មាននៅមានចំនួនតិចតួចនៅឡើយ

នៅកម្ពុជាបច្ចុប្បន្នស្រ្តីប្រកបវិជ្ជាជីវៈជាអ្[...]

ក្រសួងបរិស្ថានលើកទឹកចិត្តឲ្យផលិតករភាពយន្ត បង្កើតស្នាដៃជំរុញទេសចរណ៍ធម្មជាតិផ្សារភ្ជាប់ទឹកដី

ទេសចរណ៍ធម្មជាតិ ផ្សារភ្ជាប់ទឹកដី គឺជាកម្មវិធី[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x