ទីភ្នាក់ងារសារព័ត៌មានរើយធើរាយការណ៍ថា ជើងយន្តហោះចំនួនពីរបានដឹកជនជាតិអ៊ីរ៉ាក់រាប់រយនាក់ ដែលបានព្យាយាមចូលទៅក្នុងសហភាពអឺរ៉ុប ឱ្យត្រឡប់ទៅប្រទេសពួកគេវិញ ដោយចេញដំណើរពីប្រទេសបេឡារុសនៅថ្ងៃសុក្រ។ ជនចំណាកស្រុកកាន់តែច្រើនចាប់ផ្តើមអស់សង្ឃឹមថានឹងអាចចូលទៅក្នុងសហភាពអឺរ៉ុបដ៏រុងរឿងនេះដោយសុវត្ថិភាពហើយ។ រដ្ឋាភិបាលនៅតំបន់ឃើដ ដែលជាតំបន់ស្វយ័តនៅក្នុងប្រទេសអ៊ីរ៉ាក់ និងមន្ត្រីនៅអាកាសយានដ្ឋាន អ៊ើប៊ីល បាននិយាយថា យន្តហោះទាំងនោះបានចុះចតនៅទីនោះនាព្រឹកព្រលឹមថ្ងៃដដែល ជាមួយនឹងជនជាតិអ៊ីរ៉ាក់ប្រហែល៦០០នាក់ ដែលភាគច្រើនជាជនជាតិឃើដ។ អ្នក​ដំណើរ​ជា​ច្រើន​នាក់​បាន​និយាយ​ថា ពួក​គេ​បាន​ធូរ​ស្រាល​ពេល​ត្រឡប់​មក​ផ្ទះ​វិញ៕