កិច្ចប្រជុំកំពូលលើកទី៣៨ និងលើកទី៣៩ នៃសមាគមប្រជាជាតិអាស៊ីអាគ្នេយ៍ រយៈពេល៣ថ្ងៃ ក្រោមអធិបតីភាពប្រទេសប៊្រុយណេ ដែលជាប្រធានអាស៊ាន បានបិទបញ្ចប់ហើយ នៅថ្ងៃទី២៨ ខែតុលា ឆ្នាំ២០២១។ កម្ពុជាបានទទួលធ្វើជាប្រធានប្តូរវេនរបស់អាស៊ាន សម្រាប់ឆ្នាំ ២០២២ ជាផ្លូវការ ជាមួយនឹងការលើកញញួរដោយនាយករដ្ឋមន្ត្រីកម្ពុជា។ តាមរយៈទំព័រហ្វេសប៊ុក សម្ដេច ហ៊ុន សែន បានបញ្ជាក់ថា គិតទាំងលើកនេះ សម្ដេចបានកាន់ញញួរប្រធានអាស៊ាន ៣ ដងហើយ៕