(ភ្នំពេញ)៖ ថ្ងៃព្រហស្បតិ៍ទី២២ ខែតុលា ស្ថានទូតឥណ្ឌូនេស៊ីប្រចាំនៅកម្ពុជា បានរៀបចំការសម្តែងសិល្បៈមួយ ដើម្បីត្រៀមអបអរសាទរ ទិវាបុណ្យឯករាជ្យជាតិកម្ពុជានាខែវិច្ឆិកាខាងមុខ។
តាមការឱ្យដឹងពីទីភ្នាក់ងារសារព័ត៌មានកម្ពុជានាថ្ងៃដដែល ការសម្ដែង ធ្វើឡើងមានរយ:ពេលបួនថ្ងៃគឺចាប់ពីថ្ងៃទី២២ ដល់ថ្ងៃទី២៥ ខែតុលា នៅចំណុចបរិវេនសួនច្បារ មុខព្រះបរមរូប ព្រះបរមរតនកោដ្ឋ ក្បែរវិមានឯករាជ្យ រាជធានីភ្នំពេញ។
ថ្ងៃទី០៩ វិច្ឆិកា ទិវាបុណ្យឯករាជ្យជាតិ ត្រូវបានប្រារព្ធឡើងជារៀងរាល់ឆ្នាំ ក្នុងគោលបំណង ដើម្បីបង្ហាញពីឯករាជ្យជាតិខ្មែរ និងជាការឧទ្ទិសដល់ព្រះរាជបូនីជកិច្ច របស់អតីត ព្រះមហាក្សត្រ ព្រះបាទ សម្ដេចព្រះនរោត្តម សីហនុ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណ នៅក្នុងព្រះបូជនីយកិច្ច ទាមទារឯករាជ្យ ពីអាណានិគមបារាំងនៅថ្ងៃទី០៩ ខែវិច្ឆិកា ឆ្នាំ១៩៩៥៣៕
រូបភាពពីទីភ្នាក់ងារសារព័ត៌មានកម្ពុជា
