loader

ខេមបូចារកឃើញករណីមន្ត្រីថ្នាក់លើបើកផ្លូវឱ្យអាជ្ញាធរយាយីអ្នកកាសែតពេលបំពេញការងារ

ភ្នំពេញ៖ សមាគមសម្ព័ន្ធអ្នកសារព័ត៌មានកម្ពុជា (ខេមបូចា)ពិនិត្យឃើញមានករណីផ្តល់កិច្ចអន្តរាគមន៍ពីមន្រ្តីថ្នាក់លើដល់អាជ្ញាធរថ្នាក់ក្រោមអាចយាយីអ្នកសារព័ត៌មានមិនឱ្យបំពេញបេសសកម្មការងារបានពេញលេញ។ នេះបើផ្អែកតាមរបាយការណ៍ឃ្លាំមើលប្រចាំត្រីមាសជាលើកដំបូង ស្ពីពីស្ថានភាពអ្នកសារព័ត៌មាននៅកម្ពុជា ចេញផ្សាយនៅថ្ងៃទី១៩ ខែតុលានេះលើទំព័រហ្វេសប៊ុករបស់ខេមបូចា។

របាយការណ៍នេះការកត់សម្គាល់ឃើញថា ក្រសួងព័ត៌មានបានអនុញ្ញាតឱ្យអាជ្ញាធរអាចចោទប្រកាន់អ្នកសារព័ត៌មានតាមផ្លូវច្បាប់ និងអាចបណ្តេញអ្នកសារព័ត៌មានដែលរាយការណ៍ករណីជម្លោះដីធ្លី ឬវិវាទការបណ្តេញចេញជាដើម ក្នុងតំបន់ដែលកំពុងមានទំនាស់។

របាយការណ៍ដែលបានដកស្រង់ករណីកើតឡើងពីខែកក្កដា ដល់ខែកញ្ញាឆ្នាំ២០២១នេះ បានរកឃើញផងដែរ នូវករណីរំលោភសិទ្ធិបញ្ចេញមតិដោយសេរីរបស់អ្នកសារព័ត៌មានចំនួន ៩ អំឡុងត្រីមាសនេះ។

ជាងនេះទៀតរបាយការណ៍របស់ខេមបូចា ក៏បានលើកឡើងពីករណីយាយីលើអ្នកសារព័ត៌មានចំនួន ៨ ដែលបានរាយការណ៍អំពីជម្លោះដីធ្លី រួមទាំងករណីចម្រូងចម្រាសនៃគម្រោងអភិវឌ្ឍព្រលានយន្តហោះថ្មីនៅខេត្តកណ្តាល។ អ្នកសារព័ត៌មានទាំង ៨ នាក់នោះត្រូវបានយាយី និងម្នាក់ក្នុងចំណោមពួកគេត្រូវបានកាត់ទោសឲ្យជាប់ពន្ធនាគារ។

ទាក់ទងរឿងនេះ លោក មាស សុភ័ណ្ឌ អ្នកនាំពាក្យក្រសួងព័ត៌មានធ្លាប់ប្រាប់វិទ្យុស្រ្តីថា ការរារាំង ការហាមឃាត់ ឬមិនអនុញ្ញាតឱ្យអ្នកសារព័ត៌មានចុះយកព័ត៌មានក្នុងតំបន់ដែលមានភាពចម្រូងចម្រាសមួយចំនួន គឺដើម្បីធានាដល់ដំណើរការការងាររបស់សមត្ថកិច្ច ឬអាជ្ញាធរ និងជៀសវាងគ្រោះថ្នាក់ដល់មន្រ្តីអនុវត្តបេសសកម្មនិងអ្នកសារព័ត៌មានផងដែរ៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

ហិង្សាលើស្ត្រីអ្នកសារព័ត៌មានត្រូវបានយូណេស្កូរំលេចក្នុងយុទ្ធនាការ៨ថ្ងៃ

អង្គការយូណេស្កូប្រចាំប្រទេសកម្ពុជាបានរៀបចំធ្វ[...]

អព្យាក្រឹតភាពកម្ពុជាក្នុងនាមប្រធានអាស៊ានស្ថិតក្នុងមន្ទិលសង្ស័យ

នៅសល់មិនដល់១ខែទៀតទេ កម្ពុជានឹងក្លាយជាប្រធានប្[...]

អាជ្ញាធរខេត្តកំពង់ឆ្នាំងដកហូតព្រៃលិចទឹកបានចំនួនជាង ២ពាន់ហិកតាក្នុងតំបន់៣

គិតត្រឹមថ្ងៃទី ២៩ ខែវិច្ឆិកា ដល់បច្ចុប្បន្នអា[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x