មានរឿងរ៉ាវជាច្រើនដែលមនុស្សអាចរៀនពីធម្មជាតិ។ ឧទាហរណ៍ជាក់ស្តែង គឺអំពីស្រមោចក្រហមដ៏តូចល្អិត ដែលថ្មីៗបង្ហាញមនុស្សយើងថា នៅពេលយើងចេះធ្វើការសហការគ្នាបានល្អនោះ យើងអាចដោះស្រាយវិបត្តិផ្សេងៗបាន។
នៅពេលមានទឹកជំនន់ក្នុងភាគខាងត្បូងទីក្រុង Carolina គេឃើញកន្លែងមួយចំនួនប្រែទៅជាពណ៌ខ្មៅដាស គេគិតថានោះគឺជាដីភក់។ ប៉ុន្តែរឿងដែលមិនគួរនឹកស្មានដល់គឺថា ផ្ទាំងខ្មៅដ៏ធំៗទាំងនោះគឺជា បណ្តំនៃស្រមោច ដែលមើលទៅហាក់បីដូចជាកោះស្រមោចអញ្ចឹង។
Saw these clumps of mud floating in flood water….then took a closer look…unexpected#ants
Posted by Adrian Acosta on Sunday, October 4, 2015
កាលពីឆ្នាំ 2011 លោកសាស្ត្រាចារ្យ David Hu និង និស្សិតបញ្ចប់ការសិក្សាពីវិទ្យស្ថានបច្ចេកវិទ្យា Georgia បានពន្យល់ពីបាតុភូតដែលស្រមោចអាចបណ្តែតខ្លួនដ៏អស្ចារ្យលើទឹកជន់ដ៏ធំបានថា៖ «ពួកវាប្រមូលផ្តុំពងដាក់ជាមួយគ្នា ហើយបណ្តែតខ្លួនលើទឹក។ នៅពេលដែលទឹកជន់ឡើង សត្វស្រមោចទាំងនេះផ្គុំជិតគ្នាជាបណ្តំប្រៀបដូចជាក្បួនដែលអាចបណ្តែតខ្លួនលើទឹកបានយ៉ាងងាយ»។
អ្នកទាំងពីរបានបន្ថែមឲ្យដឹងទៀតថា ជារួម សត្វស្រមោចដ៏តូចៗចេះសាមគ្គីគ្នាល្អណាស់ដើម្បីរស់។ មួយវិញទៀត ពេលបណ្តែតខ្លួនលើទឹក ស្រមោចដែលនៅខាងក្រោមអាចរស់ដោយមានសុវត្តិភាពព្រោះតែរោមតូចៗដែលមានលើខ្លួនរបស់វា អាចចាប់យកខ្យល់សម្រាប់ដកដង្ហើមបាន៕
ប្រែសម្រួលដោយ៖ អ៊ុង គឹមអ៊ាន់ / ប្រភព៖ Elitedaily