រដូវក្ដៅត្រូវបានបញ្ចប់ ហើយរដូវរងាក៏មកដល់។ រដូវរងា ពិតណាស់គឺជារដូវដ៏អស្ចារ្យសម្រាប់ទំនាក់ទំនងស្នេហា ប៉ុន្តែទំនាក់ទំនងនោះអាចនឹងបរាជ័យ ប្រសិនបើអ្នកមិនមានហេតុផលត្រឹមត្រូវ។
បើសិនជាអ្នកអាចឆ្លើយនូវសំណួរទាំង ៥ នេះបានត្រឹមត្រូវ នោះអ្នកមិនចាំបាច់នូវណាត់ជួបឬមានដៃគូស្នេហាឡើយ។ អ្នកអាចទិញអាររងាមួយឬក៏ពីរដើម្បីរក្សាកម្ដៅឬភាពកក់ក្ដៅសម្រាប់ខ្លួនអ្នក។
1. ខ្ញុំត្រូវធ្វើយ៉ាងម៉េចដើម្បីឱ្យជាខ្ញុំ?
នៅពេលដែលមនុស្សគិតថាការបន្ថែមវត្តមាននរណាម្នាក់ក្នុងជីវិតរបស់ពួកគេ វានឹងធ្វើឱ្យពួកគេមានភាពប្រសើរឡើង
នោះទំនាក់ទំនងក៏អាចបរាជ័យបានដែរ។ ប៉ុន្តែ សូមជំនួសមកវិញដោយការផ្ដោតអារម្មណ៍ទៅលើការធ្វើឱ្យខ្លួនអ្នកមាន
ភាពប្រសើរឡើង។ បើទោះជាការស្វែងរកមនុស្សពិសេសម្នាក់នឹងធ្វើឱ្យជីវិតរបស់អ្នកប្រសើរ តែអ្នកមិនត្រូវអាស្រ័យលើវាទាំងអស់នោះទេ។
ដៃគូស្នេហាមិនមែនជាដំណោះស្រាយបញ្ហារបស់អ្នកឡើយ។ ដៃគូរបស់អ្នក ជាទូទៅតែងនៅក្បែរអ្នក។ ពេលខ្លះវាអាចទៅរួចក្នុងការស្វែងយល់ពីខ្លួនអ្នក នាពេលដែលអ្នកកំពុងសម្លឹងឃើញនរណាម្នាក់។ ប៉ុន្តែផ្ទុយទៅវិញ ជាធម្មតាអ្នកអាចដឹងពីខ្លួនអ្នកល្អបំផុតបាន ពេលដែលអ្នកមិនមានទំនាក់ទំនងស្នេហាជាមួយនរណាម្នាក់។
នេះជាហេតុផលដែល «វាមិនមែនជាអ្នក តែវាជាខ្ញុំ» ។ យើងឆាប់មានទំនាក់ទំនងស្នេហា មុនពេលយើងយល់ពីខ្លួនឯង អាចនាំឱ្យយើងឆាប់បញ្ចប់នូវស្នេហាមួយនេះ ពីព្រោះតែយើងយើងមិនទាន់ត្រៀមខ្លួនរួចរាល់សម្រាប់ទំនាក់ទំនងមួយនេះនៅឡើយ។ ដំណើរជីវិតរបស់យើង មិនមែនការធ្វើដំណើរម្នាក់ឯងដ៏វែងឆ្ងាយនោះទេ តែត្រូវប្រាកដក្នុងចិត្តថាថា អ្នកត្រូវឆ្លងកាត់បទពិសោធឱ្យរឹងមាំជាមុនសិន មុនពេលចាប់ផ្តើមទំនាក់ទំនងថ្មីជាមួយនរណាម្នាក់ទៀត។
2. ខ្ញុំមានទំនាក់ទំនងស្នេហា ហើយត្រូវរក្សាទំនាក់ទំនងនោះឱ្យបាន?
ភ្នែករបស់យើងគឺឃ្លានជាងក្រពះរបស់យើងទៅទៀត។ ដើម្បីទទួលបានភាពរុងរឿង យើងត្រូវដឹងថា ដំណើរជីវិតគឺត្រូវមានការតស៊ូ។ មធ្យោបាយតែមួយគត់ដែលអាចដឹង បានគឺបទពិសោធតស៊ូពីមុនមក។ ប្រសិនបើអ្នកមិនធ្លាប់មានបទពិសោធមកទេ អ្នកអាចពិបាកក្នុងការរក្សាទំនាក់ទំនងនោះ ឬក៏មិនអាចរក្សានូវទំនាក់ទំនងនោះទៀតក៏ថាបាន។ ខ្ញុំសុំទោសដែលប្រាប់អ្នកតាមត្រង់ តែវាជាការពិត។
ទំនាក់ទំនងមួយអាចចាប់ផ្តើមបាន លុះត្រាណាអ្នកចេះសម្របសម្រួល និងការលះបង់ ហើយនិងមានឆន្ទៈធ្វើវាឡើង នោះទើបអ្នកអាចរក្សាទំនាក់ទំនងបានល្អ។
3. តើខ្ញុំស្រឡាញ់ខ្លួនឯង ឬក៏ខ្ញុំកំពុងតែពឹងផ្អែកក្ដីស្រឡាញ់របស់ដៃគូខ្ញុំ ដែលមានចំពោះខ្ញុំ?
មនុស្សយើងត្រូវការនូវក្ដីស្រឡាញ់និងមេត្តាធម៌។ បើមិនមានវា ជីវិតយើងគឺគ្មានន័យ គ្មានភាពរីករាយ និងគ្មានភាពពេញលេញទេ។ យើងត្រូវការស្នេហាដើម្បីឱ្យមានអារម្មណ៍ថាយើងជាមនុស្សល្អ។ ខ្ញុំដឹងថាមូលដ្ឋានរបស់វាគឺយ៉ាងណា
ប៉ុន្តែអ្នកគ្រប់គ្នានៅលើលោកនេះ មានអារម្មណ៍បែបនេះ។
បញ្ហាគឺត្រង់ថាយើងមិនចាំបាច់គិតថាខ្លួនយើងល្អស្អាតអីពេកនោះទេ។ អ្នកខ្លះជឿថាពួកគេសាងនូវកំហុសឆ្គង គិតថា
ខ្លួនឯងអាក្រក់ ឬគិតថាខ្លួនជាមនុស្សមិនល្អ តែអ្នកទាំងនេះនៅតែត្រូវការនូវក្ដីស្រឡាញ់ដោយខានពុំបាន។ ដរាបណា
អ្នករៀនស្រឡាញ់ខ្លួនអ្នកជាមុនសិន នោះអ្នកនឹងមិនអាចស្វែងរកនូវស្នេហាបានទេ។ វាគឺជារឿងដែលមិនអាចទៅរួច។
អ្នកអាចមិនទុកចិត្តខ្លួនឯងដោយគិតថានរណាម្នាក់អាចស្រឡាញ់អ្នក ពេលដែលអ្នកមិនទាំងបានស្រឡាញ់ខ្លួនអ្នកផង។
ខ្ញុំផ្ទាល់ធ្លាប់ជួបប្រទះរឿងនេះ ហើយវាជារឿងដែលមិនអាចទទួលយកបានឡើយ។
4. តើខ្ញុំស្ថិតក្នុងទំនាក់ទំនងដែលមានហេតុផលត្រឹមត្រូវឬ?
មនុស្សមួយចំនួនស្រឡាញ់គ្នា ព្រោះគិតថាវាជារឿងដែលត្រូវធ្វើ ឯអ្នកខ្លះគិតថាស្រឡាញ់គ្នាព្រោះមានការធុញទ្រាន់ ហើយអ្នកខ្លះមានស្នេហាព្រោះតែចំណង់ផ្លូវភេទ ហើយគិតថាទំនាក់ទំនងស្នេហានេះ គឺជាមធ្យោបាយល្អបំផុតដែលបំពេញតម្រូវការទាំងនោះ។ ហើយមនុស្សយើងណាត់ជួបគ្នាដោយសារហេតុផលជាច្រើយមិនអាចគណនាបាន។
អ្នកមិនចាំបាច់ជឿជាក់ ១០០% ចំពោះការជ្រើសរើសរបស់អ្នកទេ ប៉ុន្តែអ្នកត្រូវតែជឿថានឹងមានឱកាសល្អ ដែលនាំមកឱ្យនូវមនុស្សពិសេសដែលអ្នកស្រមៃចង់បាន។ ទំនាក់ទំនងកើតឡើងដើម្បីឱ្យជីវិតអ្នកមានភាពប្រសើរឡើង មានភាពរីករាយ និងមានភាពពេញលេញសម្រាប់ជីវិត។ ចូរចាំថា ការចង់បានស្នេហាដើម្បីបំភ្លេចសង្សារចាស់របស់អ្នក ឫហេតុផលផ្សេងទៀតក្រៅពីចង់បានស្នេហ៍ពិត ជារឿងខុសឆ្គង។
5. តើដៃគូខ្ញុំស្ថិតក្នុងទំនាក់ទំនងដែលមានហេតុផលត្រឹមត្រូវឬ?
រឿងរ៉ាវផ្សេងៗអាចជាផ្នែកមួយនៃជីវិតរស់នៅ។ ការគិត និងទំនាក់ទំនងស្នេហាក៏ជាផ្នែកមួយនៃជីវិត។ ជីវិត និងស្នេហា មានភាពសាមញ្ញ ប្រសិនបើមនុស្សពីរនាក់មានចំណង់ចំណូលចិត្ត និងដំណើរជីវិតដូចគ្នា។ យើងអាចឈឺចាប់ និងបង្ហូរទឹកភ្នែកបាន ប៉ុន្តែការពិត វាមិនអញ្ចឹងទេ មនុស្សពីរនាក់មិនអាចមានការគិតដូចគ្នាទាំងស្រុងនោះទេ។
ទោះជាអ្នកអស្ចារ្យប៉ុណ្ណា ឬក៏ត្រៀមខ្លួនរួចជាស្រេចប៉ុណ្ណា តែបើដៃគូរបស់អ្នកមិនមានអារម្មណ៍ដូចគ្នា នោះការរក្សាទំនាក់ទំនងស្នេហាក៏មិនបានល្អដែរ។ ខ្ញុំប្រាថ្នាថាអាចប្រាប់អ្នកពីរឿងរ៉ាវផ្សេងៗដែលអ្នកអាចធ្វើបានទៅចុះ។
ចុងក្រោយ ខ្ញុំដឹងមនុស្សពីរនាក់ ទោះជាពួកគេស្រឡាញ់គ្នាខ្លាំងប៉ុណ្ណាក៏ដោយ ក៏នៅតែអាចបែកគ្នាបានដែរ។ វាមិនមែនជាកំហុសរបស់អ្នកឬរបស់ដៃគូរបស់អ្នកនោះទេ តែវាប្រៀបដូចជាសន្លឹកបៀរដែលត្រូវបានគេចែកប៉ុណ្ណោះ៕
ប្រែសម្រួលដោយ៖ សេង វិបុល / ប្រភព៖ Elitedaily
