ក្រុងភ្នំពេញ៖ កិច្ចប្រជុំមហាអនុតំបន់ទន្លេមេគ្គង្គ(GMS) នឹងត្រូវចាប់ផ្តើមនៅថ្ងៃទី ៣០ ខែ មីនា ឆ្នាំ ២០១៨ នាទីក្រុង ហាណូយ ប្រទេស វៀតណាម។ ស្របពេលនេះ លោក Takehiko Nakao ប្រធានធនាគារអភិវឌ្ឍន៍អាស៊ី (ADB) បានចេញសេចក្តីថ្លែងការ នៅថ្ងៃទី ២៩ ខែមីនា នេះ ដោយបង្ហាញពីវឌ្ឍនភាពគួរឲ្យភ្ញាក់ផ្អើល នៃការវិវឌ្ឍន៍ក្នុងតំបន់ទន្លេមេគង្គ ក្នុងរយៈពេលមួយភាគបួន ទសវត្សន៍កន្លងមកនេះ។
ស្តាប់សំឡេង លោក សេរីវឌ្ឍនះ ៖
សេចក្តីថ្លែងការណ៍របស់ប្រធានធនាគារADB បានបង្ហាញថា ការវិនិយោគផ្ទាល់ពីបរទេស មកក្នុងមហាអនុតំបន់នេះ បានកើនឡើងដល់ទៅ ១០ ដង ដោយពាណិជ្ជកម្មរវាងប្រទេសនានា ក្នុងតំបន់នេះ បានកើនឡើងពី ៥ ពាន់លានដុល្លា រហូតដល់ជាង ៤១៤ ពាន់លានដុល្លា។ ប៉ុន្តែអនុតំបន់នេះប្រឈមនឹងបញ្ហាមួយចំនួនដែលបានបន្ទុចបង្អាក់ដល់ការសម្រេចនូវវិបុលភាពសង្គម។
សេចក្តីថ្លែងការណ៍បានបង្ហាញថា កិច្ចសហប្រតិបត្តិការថ្នាក់តំបន់ រវាងប្រទេសដែលជាសមាជិកទាំង ៦ ក្នុងនោះមានដូចជា កម្ពុជា ឡាវ ចិន មីយ៉ាន់ម៉ា ថៃ និង វៀតណាម ដែលត្រូវបានបង្កើតឡើងចាប់តាំងពីឆ្នាំ ១៩៩២ នេះ កម្មវិធីនេះបានបង្កើតវេទិការមួយ សម្រាប់ជំរុញលើកកម្ពស់កិច្ចសហប្រតិបត្តិការ សេដ្ឋកិច្ច ដោយមានការគៀងគរថវិការជិត ២១ បាន់លានដុល្លារ សម្រាប់គំរោងហេដ្ឋរចនាសម្ព័នដែលត្រូវបានចាត់ទុកជាអាទិភាពទី១។
បន្ថែមពីនេះ ទៀត ប្រទេសក្នុងតំបន់នេះ បានយល់ស្របទៅតាមការបេ្តជ្ញាចិត្ត ដែលត្រូវបានដាក់ចេញក្រោមគោលដៅ អភិវឌ្ឍប្រកបដោយចីរភាព និង កិច្ចព្រមព្រៀងទីក្រុងប៉ារីសស្តីពីការប្រែប្រួលអាកាសធាតុ។
កំណើនសេដ្ឋកិច្ច ដែលកំពុងមានសំទុះយ៉ាងខ្លាំង នៅអាស៊ីខាងត្បូង ក៏ជាកត្តាមួយធ្វើឲ្យកំណើនសេដ្ឋកិច្ចអាស៊ីអាគ្នេយ៍កើនឡើងផងដែរ ស្របពេលដែលប្រមុខដឹកនាំនៃប្រទេស GMS ជួបប្រជុំគ្នា ដើម្បីកំណត់ពីទិសដៅអនាគតនៃកម្មវិធីនេះ ដែលជាពេលវេលាយ៉ាងល្អក្នុងការបង្កើតគំនិតផ្តួចផ្តើមថ្មីៗ ឆ្លើយតបចំពោះតម្រូវការរបស់មហាអនុតំបន់។
គោលដៅទី១ គឺការបង្កើនទំនាក់ទំនង ដោយសាងសង់ផ្លូវថ្មី ប្រវែង ១០.០០០ គម និងខ្សែបណ្តាញបញ្ចូនអគ្គីសនីចែកចាយប្រមាណ ៣០០០ គម ។ បណ្តាញគមនាគមន៍ទាំងនេះ ត្រូវបានកែលម្អរប្រែក្លាយ ក្នុងគោលបំណងលើកកំពស់ការតភ្ជាប់ទំនាក់ទំនងរវាងប្រទសនីមួយៗ ក្នុងតំបន់។
សូមបញ្ជាក់ថា ប្រទេស ទាំង ៦ ក្នុងមហាអនុតំបន់ទន្លេមេគង្គនេះ រួមមានកម្ពុជា ឡាវ ចិន ថៃ មីយ៉ាន់មា និង វៀតណាម។ កម្មវិធីនេះ បានប្រែក្លាយអាស៊ីអាគ្នេយ៍ឲ្យងើបផុតពីការរុំជិតនៃភាពក្រីក្រតាមរយៈ សេដ្ឋកិច្ច ពាណិជ្ជកម្ម ការបង្កើនការនាំចេញកសិផល និង ការលើកម្ពស់ មហាអនុតំបន់ទន្លេមេគង្គ ឲ្យក្លាយជាទិសដៅទេសចរណ៍តែមួយ បន្ទាប់ពីអនុតំបន់នេះ បានទទួលភ្ញៀវទេសចរណ៍ ៦០ លាននាក់ក្នុងឆ្នាំ ២០១៦ ដែលជាចំនួនមួយមិនធ្លាប់មាន៕
