រុស្ស៊ី ៖ មេដឹកនាំគណបក្សប្រឆាំងដ៏ល្បីល្បាញ នៃប្រទេសរុស្ស៊ីលោក Alexei Navalny ត្រូវបានដោះលែងឲ្យមានសេរីភាពបន្ទាប់ពីឃុំខ្លួន ដោយស្នងការនគរបាលនៅទីក្រុងមូស្គូ រយៈពេលមួយថ្ងៃ ដោយសារតែអ្នកនយោបាយវ័យក្មេងរូបនេះ បានធ្វើបាតុកម្មអំពាវនាវឲ្យ មានការធ្វើពហិកា ការបោះឆ្នោតប្រធានាធិបតីនៅខែមីនា ខាងមុខនេះ។
តាម BBC លោក Navalny ត្រូវបានដោះលែងដោយពុំមានការចោទប្រកាន់អ្វីទេ ប៉ុន្ដែរដ្ឋអាជ្ញាក្រុងមូស្គូ បានបង្គាប់ឲ្យមេបក្សប្រឆាំងរូបនេះ ទៅបង្ហាញខ្លួននៅតុលាការ នៅពេលក្រោយទៀត ដែលអ្នកសង្កេតការណ៍ មើលឃើញថា គឺជាការចោទប្រកាន់អ្វីមួយពុំខាន។ នគរបាលបានចូលចាប់លោក Navalny នៅទីក្រុងមូស្គូ ដោយរឹបអូសយកសម្ភារមួយចំនួនពីការិយាល័យរបស់លោកទៀតផង។ លោក Navalny គឺជា អ្នកនយោបាយប្រជែងដ៏ស៊ីជម្រៅជាមួយប្រធានាធិបតីបច្ចុប្បន្នលោក ពូទីន។ ប៉ុន្ដែមេដឹកនាំបក្សប្រឆាំងរូបនេះ ត្រូវបានឈរឈ្មោះជាបេក្ខជនប្រធានាធិបតី ក្នុងការបោះឆ្នោតថ្ងៃ ១៨ មីនា ខាងមុខនេះ។
ប្រទេសរុស្ស៊ី កំពុងត្រៀមបោះឆ្នោតប្រធានធិបតី ដោយពុំមានមេដឹកនាំបក្សប្រឆាំងលេចធ្លោនោះទេ តែយ៉ាងនេះក្ដី យ៉ាងហោចណាស់មានស្ដ្រីចំនួន 04 រូប បានឈរឈ្មោះជាបេក្ខជនផងដែរ។ តែយ៉ាងណាសម្រាប់លោក Navalny គឺជាបេក្ខជនម្នាក់គត់ ដែលលោកប្រធានាធិបតី ពូទីន ចាត់ទុកថា ជាអ្នកនយោបាយប្រឆាំង នឹងលោកយ៉ាងខ្លាង៕