ជម្លោះតានតឹងរវាងប្រទេសវេណេហ្សូអេឡា និងប្រទេសប្រេស៊ីលធ្លាក់ដល់ស្ថានភាពធ្ងន់ធ្ងរហើយ ដែលនៅពេលនេះប្រេស៊ីលសម្រេចបណ្ដេញឯកអគ្គរដ្ឋទូតម្នាក់របស់វេណេហ្សូអេឡាចេញពីប្រទេសគឺភ្លាមៗបន្ទាប់ពីវេណេហ្សូអេឡាបានបណ្ដេញអ្នកការទូតប្រេស៊ីលចេញពីប្រទេសដែលនោះ។
កាលពីថ្ងៃចន្ទ ប្រទេសកាណាដាបានបណ្ដេញឯកអគ្គរដ្ឋទូត និងលេខាធិការទីមួយនៃស្ថានទូតវេណេហ្សូអេឡាចេញពីប្រទេស ដែលធ្វើឡើងសងសឹកវេណេហ្សូអេឡាបណ្ដេញអ្នកការទូតរបស់ប្រទេសកាណាដា។
ការបណ្ដេញឯកអគ្គរដ្ឋទូតគ្នាទៅវិញទៅមកនេះ នាំអោយទំនាក់ទំនងការទូតរវាងវេណេហ្ស៊ូអេឡា និងប្រទេសប្រេស៊ីល ប្រទេសកាណាដា ធ្លាក់ដល់ស្ថានភាពធ្ងន់ធ្ងរ ហើយធ្វើអោយវិស័យពាណិជ្ជកម្មក៏កាន់តែបាត់បង់ទំនាក់ទំនងជាមួយគ្នាដែរ។
ប្រទេសកាណាដាបានសម្រេចដាក់ទណ្ឌកម្មដោយការបង្កកទ្រព្យសម្បត្ដិរបស់មន្រ្ដីជាន់ខ្ពស់ នីខូឡាស់ ម៉ាឌូរ៉ូ បន្ទាប់ពីក្រុងអូតាវ៉ា ចោទក្រុងការ៉ាកាស ថា ដឹកនាំប្រទេសទៅរករបបផ្ដាច់ការ និងបំផ្លាញប្រជាធិបតេយ្យ។
វេណេហ្ស៊ូអេឡាកំពុងរកការដាក់ទណ្ឌកម្មបង្កកទ្រព្យសម្បត្តិមន្រ្ដីជាន់ខ្ពស់របស់ប្រទេសនេះដោយធ្វើឡើងដោយសហភាពអឺរ៉ុបនិងសហរដ្ឋអាមេរិក៕
