រដ្ឋមន្រ្ដីការបរទេសប្រទេសកាណាដាដែលមានវត្តមាននៅមហាសន្និបាតអង្គការសហប្រជាជាតិបានថ្លែងថា ប្រទេសរបស់លោកសម្រេចដាក់ទណ្ឌកម្មហិរញ្ញវត្ថុលើមន្រ្ដីជាន់ខ្ពស់ប្រទេសវេណេហ្ស៊ួអេឡាចំនួន ៤០រូប ដែលពួកគេទាំងនោះជាប់ពាក់ព័ន្ធនិងការបំបាត់សម្លេងគណបក្សប្រឆាំងនៃប្រទេសនេះ ។
រដ្ឋមន្រ្ដីការបរទេសប្រទេសកាណាដា លោក Justin Trudeau បានបញ្ជាក់ទៀតថា នេះជាវិធានាការដំបូង ហើយវិធានការបន្ទាប់ទៀត គឺការដាក់ទណ្ឌកម្មផ្នែកសេដ្ឋកិច្ច។
យ៉ាងណាក៏ដោយ ប្រមុខការទូតប្រទេសនេះបានអំពាវនាវឱ្យប្រធានាធិបតីម៉ាឌូរ៉ូ ស្ដារលទ្ធិប្រជាធិបតេយ្យឡើងវិញតាមរយៈការបោះឆ្នោតជ្រើសរើសសមាជិកសភាថ្មី និងប្រធានាធិបតីឱ្យបានឆាប់បំផុត ហើយដោះលែងអ្នកទោសនយោបាយទាំងអស់។
ចាប់តាំងពីមានវិបតិ្ដនយោបាយនៅខែមេសាមក មនុស្សស្លាប់យ៉ាងតិចជិត ២៣០នាក់ ហើយក្រុមគណបក្សប្រឆាំងរាប់រយនាក់ត្រូវបានចាប់ខ្លួន ក្នុងនោះក៏មានប្រធានគណបក្សប្រឆាំងមួយចំនួនផងដែរ។
ប្រទេសយ៉ាងតិច ៤០ប្រទេស បានសម្រេចដាក់ទណ្ឌកម្មហិរញ្ញវត្ថុទៅលើប្រទេសវេណេហ្ស៊ួអេឡារួចហើយ ក្នុងនោះមានប្រទេសនៅទ្វីបអាមេរិកឡាទីន និងប្រទេសក្នុងប្លុកសហភាពអឺរ៉ុបក៏បានប្រកាសថា ខ្លួននឹងរៀបចំដាក់ទណ្ឌកម្មសេដ្ឋកិច្ចលើប្រទេសវេណេហ្ស៊ួអេឡាឆាប់ៗនេះដែរ៕
