ភ្នំពេញ៖ សមាជិកសភាអឺរ៉ុបម្នាក់ បានដាក់ញត្ដិមួយទៅកាន់លោកស្រី Frederica Mogherini ទទួលបន្ទុកកិច្ចការបរទេសអឺរ៉ុបឲ្យធ្វើសេចក្ដីសម្រេចជាបន្ទាន់ករណីស្ថានការណ៍នយោបាយនៅកម្ពុជាដែលខ្លឹមសារញត្តិនេះថា ប្រទេសកម្ពុជានៅពេលអនាគតនឹងមានប្រព័ន្ធបក្សតែមួយ។
យោងតាមសារព័ត៌មានភ្នំពេញប៉ុស្ដិ៍ការដាក់ញត្ដិទៅកាន់លោកស្រី Frederica នេះធ្វើឡើងដោយសមាជិកសភាអឺរ៉ុបម្នាក់គឺលោក Ramon Tremosa i Balcells។លោកគឺជាជាសមាជិកសម្ព័ន្ធអ្នកសេរីនិយមនិងប្រជាធិបតេយ្យដើម្បីអឺរ៉ុប (ALDE)។
សមាជិកសភាអឺរ៉ុបរូបនេះ មើលឃើញថាការដាក់កំហិតលើបក្សនយោបាយឱ្យមានទោសព្រហ្មទណ្ឌនឹងនាំឱ្យប្រជាធិបតេយ្យ នៅកម្ពុជា ងាយគ្រោះថ្នាក់ ដែល សហភាពអឺរ៉ុប គួរ ដើរតួនាទី ឱ្យធំនិងសកម្មឡើង ដើម្បីបញ្ជៀសរឿងនេះ។ លោក Ramon Tremosaបានទទូចដូចនេះ ក្នុងញ្ញតិ្តផ្ញើទៅលោកស្រី Frederica Mogherini ទទួលបន្ទុកកិច្ចការបរទេស របស់សហភាពអឺរ៉ុប។
លោក Ramon Tremosa ៖«ការគំរាមរំលាយ បក្សCNRP គឺជារឿងនយោបាយ ។ សម្រាប់យើង មិនយល់សោះថាហេតុអ្វី បានជាគេអាចនិយាយគំរាម រំលាយ គណបក្សមួយ ដែលមានប្រជាប្រិយភាព ហើយ ទទួលបានសំឡេង យ៉ាងច្រើន នៅក្នុងការបោះឆ្នោត ឆ្នាំ២០១៣ ថ្វីមានភាពមិនប្រក្រតីក៏ដោយ ។ករណីនេះ សហភាពអឺរ៉ុប ចាំបាច់ មានវិធានការ»។
ក្រៅពីនេះ លោក Ramon Tremosaបានទទូចថា សហភាពអឺរ៉ុប ត្រូវធានាថា ការបោះឆ្នោតខាងមុខនៅ កម្ពុជា ត្រូវធ្វើដោយ កិត្តិយស ថ្លៃថ្នូ ហើយ ការចរចានយោបាយ នឹងនាំទៅរកការបញ្ជៀស ប្រព័ន្ធបក្សតែមួយ នៅរាជាណាចក្រនេះ។
តែយ៉ាងនេះក្ដីលោក Ramon Tremosa ក៏បានឱ្យសហភាពអឺរ៉ុប ប្រើប្រាស់ ផលប្រយោជន៍សេដ្ឋកិច្ច របស់ខ្លួន ដើម្បីធានា ឱ្យមាន ពហុបក្ស និងការគោរពសិទ្ធិមនុស្សដែលសហភាពអឺរុបគឺជា ទីផ្សារធំបំផុតសម្រាប់ ទំនិញឧស្សាហកម្មកាត់ដេរ ពីកម្ពុជា។
តាមរបាយការណ៍របស់ សហភាពអឺរ៉ុប ទំហំពាណិជ្ជកម្ម អឺរ៉ុប-កម្ពុជា បានកើនជាង៨០ពាន់លានដុល្លារនាពេលបច្ចុប្បន្ននេះ។
តែបែបនេះក្ដី អ្នកនាំពាក្យ គណបក្សប្រជាជនកម្ពុជា លោក សុខ ឥសាន្ត បាននិយាយបង្អាប់ តបវិញថា នៅកម្ពុជា មានបក្សនយោបាយដល់ជាង៧០ ហើយ បើ គ្មានលោកសមរង្ស៊ីក៏គេដឹកនាំបក្សបានដែរ។ ចំណែក ការគំរាមចាត់វិធានការលើកម្ពុជា ដោយ ហំព័ន្ធសេដ្ឋកិច្ច ឬបិទការនាំចូល ទំនិញពី កម្ពុជា គឺមិនជួបអាសន្នតែ បក្សប្រជាជនទេ គឺពលរដ្ឋខ្មែរទាំងមូល។ លោក សុខ ឥសាន្ត បានផ្ដល់បទសម្ភាសន៍ដូចនេះថា៖
តែអុ្នកវិភាគ បញ្ហាសង្គម មិនយល់ឃើញដូចនេះទេ ។ លោក ចាន់ វិបុល បណ្ដិត វិទ្យាសាស្ត្រនយោបាយ និងជាអ្នកជំនាញខាងកិច្ចការអភិបាលកិច្ចប្រជាធិបតេយ្យយល់ថា អាចគ្រោះថ្នាក់ចំពោះ ការអភិវឌ្ឍប្រទេស និង សេចដ្ឋកិច្ច ជាតិ បើ សហភាពអឺរ៉ុបឈានដល់ ការ ដាក់ទណ្ឌកម្មសេដ្ឋកិច្ចមែននោះ ។ លោកថា បក្សទាំង២គួរ ជានាគ្នា ឡើងវិញ ប្រសើរជាង។
លោកពន្យល់តាមរយៈបទសម្ភាន៍ជាមួយវិទ្យុស្រីដូចនេះថា៖
យ៉ាងណាក៏ដោយ ក្រុមសមាជិកសភាបក្សកាន់អំណាច បានប្រកាសថា នៅថ្ងៃទី២០ កុម្ភៈសប្ដាហ៍ក្រោយនេះរដ្ឋសភា នឹង បើកកិច្ចប្រជុំដើម្បីពិភាក្សាសេចក្ដីស្នើច្បាប់ថ្មីស្ដីពីវិសោធនកម្មច្បាប់ស្ដីពីបក្សនយោបាយដែលខឹ្លមសាររបស់ មាត្រាមួយចំនួន នាំឱ្យ មានការរំលាយ បក្សនយោបាយបើ ថ្នាក់ដឹកនាំបក្សនោះ មានទោស ធ្ងន់ធ្ងរ៕