ហ្គាំបៀ៖ជនផ្ដាច់ការនៃប្រទេសហ្គាំបៀលោក Yahya Jammeh បាននិយាយថាលោកនឹងមិនចុះចេញពីតំណែងមុនពេលដែលតុលាការកំពូលមិនទាន់ចេញសាលក្រមទាក់ទិននឹងលទ្ធផលនៃការបោះឆ្នោត។
លោកបានថ្លែងដូចនេះ តាមកញ្ចក់ទូរទស្សន៍កាលពីយប់ថ្ងៃពុធ ទី១១ ខែមករា បន្ទាប់ពីតុលាការកំពូលបានសម្រេចពន្យាពេលប្រកាសសាលដីការហូតដល់ខែឧសភា។ លោក ចាមេស បានដាក់ពាក្យបណ្ដឹងភ្លាមៗទៅតុលាការកំពូលជំទាស់លទ្ធផលបោះឆ្នោតគឺបន្ទាប់ពីគណៈកម្មការបោះឆ្នោតរបស់ប្រទេសនេះប្រកាសថា លោកចាញ់ក្នុងការបោះឆ្នោត គឺចាញ់បេក្ខជនប្រធានាធិបតី Adama Barrow ។
បន្ទាប់ពីដឹងថា ចាញឆ្នោតភ្លាមមេដឹកនាំកាន់អំណាច ២២ឆ្នាំរូបនេះក៏បាន បញ្ជាឲ្យកងអង្គរក្សរបស់លោកទៅឡោមព័ទ្ធទីស្នាក់ការរៀបចំការបោះឆ្នោតរបស់ប្រទេស ហើយបានចាប់ខ្លួនមន្ដ្រីរៀបចំការបោះឆ្នោតជាច្រើននាក់ធ្វើជាចំណាប់ខ្មាំងទៀតផង។ ទោះជាយ៉ាងនេះក្ដីលោក Adama Barrow ក៏បានសន្យាផងដែរថា លោកនឹងស្បថចូលកាន់តំណែងនៅថ្ងៃ២០ មករា តាមការកំណត់របស់រដ្ឋធម្មនុញ្ញ។
ស្របពេលនេះមេដឹកនាំប្រទេសអាហ្វ្រិកមួយចំនួនដែលចង់ឲ្យលោក ចាមេស ចុះចេញពីតំណែងដោយសន្ដិវិធីពួកគេបានត្រៀមខ្លួនរួចហើយដើម្បីទៅកាន់ប្រទេសហ្គាំបៀក្នុងបំណងសម្របសម្រួលឲ្យលោក ចាមេស ត្រូវប្រញាប់ចាកចេញពីវិមានប្រធានាធិបតីគឺប្រយោជន៍រក្សាសន្ដិភាពរបស់ប្រទេស។ តែលោក ចាមេស កន្លងមកបានអះអាងអំណាចរបស់លោក គឺបានមកពីការប្រទានរបស់ព្រះជាម្ចាស់៕ប្រភព:BBC