ហ្គាំបៀ៖មេដឹកនាំបក្សប្រឆាំងនៅប្រទេសហ្គាំបៀដែលឈ្នះឆ្នោតក្នុងការបោះឆ្នោតប្រធានា ធិបតីកាលពីដើមខែធ្នូ ឆ្នាំ ២០១៦ ព្រមានមេដឹកនាំចាញ់ឆ្នោត យ៉ាយ៉ា ចាមេស ថា ប្រយ័ត្នក្លាយជាមេដឹកនាំទ័ពឧទ្ទាមប្រសិនបើមិនចុះចេញពីតំណែង។
លោក អាដាមា បារ៉ូ បានព្រមានដូចនេះខណៈដែលលោកនៅតែប្ដេជ្ញាចិត្ដថា ត្រូវចូលទៅកាន់វិមានប្រធានាធិបតីនៅថ្ងៃទី១៨ មករា ក្នុងឋានៈលោកជាបេក្ខជនឈ្នះឆ្នោតតំណែងប្រធានាធិបតី។
ក្នុងបទសម្ភាសន៍ជាមួយប្រព័ន្ធផ្សព្វផ្សាយក្នុងស្រុកដែលស្រង់មកចុះផ្សាយដោយទីភ្នាក់ងារសារព័ត៌ មាន AFP លោក បារ៉ូ បានទទូចជាថ្មីម្ដងទៀតឲ្យលោក ចាមេស ឆាប់ចុះចេញពីតំណែងឲ្យបានមុនលោកចូលកាន់តំណែងបើពុំនោះទេលោក នឹងក្លាយជាមេដឹកនាំទ័ពឧទ្ទាម។ លោកបានព្រមានថា កងទ័ពបរទេសដែលដឹកនាំដោយកងទ័ពសភាពអាហ្វ្រិក នឹងចូលអន្ដរាគមន៍ហើយបណ្ដេញលោកចេញពីអំណាច។
លោក Halifa Sallah អ្នកនាំពាក្យគណបក្សប្រឆាំងបាននិយាយកាលពីថ្ងៃចន្ទ ថា ចាប់ពីថ្ងៃទី ១៩ មករា តទៅលោក ចាមេស នឹងក្លាយជាពលរដ្ឋធម្មតាប៉ុណ្ណោះដែលគ្មានសិទ្ធិអំណាចបញ្ជាទ័ព ឬស្ថាប័នរដ្ឋណាមួយឡើយ។
លោក ចាមេស បានឡើងកាន់អំណាចជាប្រធានាធីបតីប្រទេសហ្កាំបៀ នៅឆ្នាំ ១៩៩៤ តាមរយៈនៃការធ្វើរដ្ឋប្រហារ។ លោកត្រូវបានអង្គការសិទ្ធិមនុស្ស ជាតិ និងអន្តរជាតិចាត់ទុកលោកជាមេដឹកនាំផ្ដាច់ការ ដោយសារការគ្រប់គ្រងរបស់លោកពោរពេញទៅដោយការរំលោភសិទ្ធិមនុស្សធ្ងន់ធ្ងរ។ ក្រុមប្រឹក្សាអង្គការសហប្រជាជាតិបានព្រមានឱ្យលោកចាកចេញពីតំណែងពុំនោះទេ លោកនឹងត្រូវបានចាប់ខ្លួន៕ ប្រភព:Aljazeera
