ហ្សាការតា ៖ យ៉ាងហោចណាស់មនុស្សពីរនាក់បានស្លាប់ ក្នុងហេតុការណ៍ឆាបឆេះទូកមួយគ្រឿងនៅលើទន្លេ គង្គា ភាគខាងជើងទីក្រុងហ្សាការតា នៅថ្ងៃអាទិត្យ ទី០១ មករា ឆ្នាំ ២០១៧ នេះ។
ទូកដែលជួបហេតុគ្រោះអាក្រក់មានឈ្មោះថា Zahro Express ដែលត្រូវបានគេរាយការណ៍ថា បានផ្ទុកអ្នកដំណើរចំនួន ១០០នាក់ ធ្វើដំណើរទៅកាន់កោះ Tidung ដែលជាកោះមួយមានប្រជាប្រិយភាព អាចទាក់ទាញភ្ញៀវទេសចរទៅកំសាន្តនៅរដ្ឋធានី ហ្សាកាតា បានរាប់រយនាក់ក្នុងមួយឆ្នាំៗ។
ភ្នាក់ងារពន្លត់អគ្គីភ័យបានប្រាប់អោយដឹងថា ហេតុការណ៍ឆេះទូកនេះកើតឡើងនៅម៉ោងប្រមាណ ៨ និង៤៦នាទីព្រឹក ហើយភ្នាក់ងារពន្លត់អគ្គិភ័យបានដាក់កម្លាំងចូលទៅប្រតិបត្តិការជួយសង្គ្រោះចំនួន៥នាក់។
ចំណែកអ្នកដំណើរត្រូវបានជម្លៀសចេញទៅកាន់ច្រាំង ហើយអ្នកដែលរងរបួសត្រូវបញ្ជូនបន្តទៅមន្ទីរពេទ្យ Atmajaya ក្នុងតំបន់ Detik ដើម្បីទទួលការព្យាបាល៕ប្រភព៖CNA
