ព័ត៌មានអន្តរជាតិ

អាជ្ញាធរជប៉ុនបន្តសម្លាប់មាន់ជាង ១០ ម៉ឺនក្បាលថែមទៀត

តូក្យូ៖ អាជ្ញាធរជប៉ុននិយាយថា គេបានសម្លាប់មាន់ ១១ម៉ឺនក្បាលបន្ថែមទៀត នៅកសិដ្ឋានមួយលើកោះ Kyushu បន្ទាប់ពីរកឃើញថា មាន់នៅកសិដ្ឋាននោះបានផ្ទុកជំងឺផ្ដាសាយបក្ស៊ី H5N1។

សត្វមាន់ដែលត្រូវបានយកមកពិសោធន៍រកមើលជំងឺH5N1រូបភាពThe Nation

តាមកាសែតថៃ The Nation គេបានដាក់ពង្រាយកងទ័ព និង មន្ដ្រីសុខាភិបាល ៤០០នាក់ នៅតំបន់ដែលមានផ្ទុកជំងឺផ្ដាសាយបក្សីនោះ ដើម្បីពិឃាតមាន់ និងធ្វើអនាម័យនៅតំបន់នោះ។

កាលពីសប្ដាហ៍មុនអាជ្ញាធរប្រទេសជប៉ុនបានសម្លាប់មាន់ទាអស់ ១២ ម៉ឺនក្បាល នៅកសិដ្ឋានមួយលើកោះ Niigata និង Aomori។ នេះជាលើកទី ៧ ហើយដែលអាជ្ញាធរជប៉ុនបានសម្លាប់សត្វចញ្ចឹមរបស់ខ្លួនជាច្រើនពាន់ក្បាលដោយសារតែការផ្ទុះ virus H5 N1 តាំងពីចុងខែវិច្ឆិកាមកនោះ៕

ប្រភព៖The Nation

Post Views: 246