ហ្សាកាតា ៖ ប៉ូលីសប្រឆាំងអំពើភេរវកម្មនៃប្រទេសឥណ្ឌូនេស៊ីបានចាប់ខ្លួនស្ដ្រីម្នាក់ទៀត សង្ស័យពាក់ព័ន្ធនឹងក្រុមភេរវកម្ម ដែលមានផែនការរៀបចំបំផ្ទុះគ្រាប់បែកទៅលើវិមានប្រធានាធិបតីនៅក្រុងហ្សាកាតា ។
គេហទំព័រមួយរបស់ប្រទេសឥណ្ឌូនេស៊ី Detikcom បានចុះផ្សាយថា អាជ្ញាធរបានចាប់ខ្លួនស្ដ្រីម្នាក់ គឺ នាង Dian Yulia Novi នៅកោះចាវ៉ា កាលពីម៉ោង៤៖៣០នាទីទាបភ្លឺ។
តាមគេហទំព័រដដែលនេះ ក្នុងចំណោមជនសង្ស័យ ៧រូប ដែលត្រូវបានចាប់ខ្លួនក្នុងនោះមានស្ដ្រី ២រូប ។ ការចាប់ខ្លួនមនុស្សទាំងនេះ ធ្វើឡើងបន្ទាប់ពីប្រជាជនឥណ្ឌូនេស៊ី បានធ្វើបាតុកម្មជាច្រើនថ្ងៃ ដើម្បីទម្លាក់អភិបាលក្រុងហ្សាកាតដែលកាន់សាសនាកាតូលិក ហើយបានប្រមាថព្រះគុម្ពីរកូរ៉ាន់ នៃសាសនាម៉ូស្លីម។ ប្រភព: Channel News Asia
