ភ្នំពេញ៖សាលាឧទ្ធរណ៍នៅរសៀលថ្ងៃទី១៤ ធ្នូ នេះ បានសម្រេចតម្កល់សាលក្រមរបស់សាលា ដំបូងរាជធានីភ្នំពេញដោយចាត់ទុកជាបានការ ករណីព្រះរាជអាជ្ញារង និងចៅក្រមខេត្តសៀម រាប ប្ដឹងលោក នី ចរិយា ពីបទបរិហាកេរ្តិ៍។
លោក នី ចរិយា អគ្គលេខាធិការរង គ.ជ.ប ត្រូវបានសាលាដំបូងរាជធានីភ្នំពេញ កាត់ទោសឱ្យជាប់ពន្ធនាគារចំនួន ៦ខែ និងពិន័យជាប្រាក់ចំនួន ៦លានរៀល។ លោក សំ សុគង់ មេធាវីការពារក្តីឱ្យលោក នី ចរិយា បានប្រាប់អ្នកសារព័ត៌មានថា ការសម្រេចតម្កល់សាលដីការនេះប្រធានក្រុមប្រឹក្សាជំនុំជម្រះមិនបាននិយាយពីសំអាងហេតុនោះទេ គឺប្រកាសតែសេចក្តីសម្រេចតែប៉ុណ្ណោះ។
យ៉ាងណាមិញលោកមេធាវីយល់ថា ភស្តុតាងដែលដាក់បន្ទុកលើលោក នី ចរិយា ក្នុងសំណុំរឿងនេះមិនទាន់មានលក្ខណៈគ្រប់គ្រាន់ និងច្បាស់លាស់ សម្រាប់ដាក់បន្ទុកលើកូនក្តីលោកនោះបាន ទេ។ លោកបន្ថែមថា៖«មិនដឹងថា ហេតុអីបានជាតុលាការមិនបានយកភស្តុតាងនៅក្នុងសំណុំរឿងយកទៅពិចាណាមិនដឹងមូលហេតុអីតែដឹងថាភស្តុតាងមិនគ្រប់គ្រាន់»។
លោបន្តថា លោកនឹងទៅជួបកូនក្តីលោកនៅពន្ធនាគារដើម្បីពិភាគ្សាគ្នា និងទុកសិទ្ធិឱ្យកូនក្តីសម្រេចប្តឹងទៅតុលាការកំពូលឬយ៉ាងណា។ បែបនេះក្តី លោកថា បើមានការសម្របសម្រួលនយោបាយ កូនក្ដីលោក នឹងត្រូវបានដោះលែង៕