ប្រធានជំនួយមនុស្សធម៌អន្ដរជាតិរបស់អង្គការសហប្រជាជាតិ បានអំពាវនាវរកប្រាក់ជំនួយនូវទឹកប្រាក់ ២២ពាន់១រយលានដុល្លារដើម្បីដាក់ក្នុងកញ្ចប់ថវិកានៅឆ្នាំ ២០១៧ ដែលចំនួននេះមានការកើនឡើងជាងឆ្នាំ ២០១៦ ។
លោក Stephen O'Brien ប្រធានទីភ្នាក់ងារជំនួយរបស់អង្គការសហប្រជាជាតិបាននិយាយនៅក្នុងរបាយការណ៍របស់លោកដាក់ជូនមហាសន្និបាទ ហើយក្នុងនោះលោកបានលើកឡើងថា បញ្ហាជំនួយមនុស្សធម៌គឺជារឿងចាំបាច់បំផុតសម្រាប់ឆ្នាំ ២០១៧ គឺដោយសារតែវិបត្ដិលើពិភពលោកកាន់តែកើនឡើង។ តាមរបាយការណ៍របស់លោក ទីភ្នាក់ងារជំនួយរបស់អង្គការសហប្រជាជាតិបានចំណាយប្រាក់សម្រាប់ឆ្នាំ ២០១៦ ២២ពាន់ ១រយលានដុល្លា។
ជំនួយដែលត្រូវជួយកិច្ចការមនុស្សធម៌ជាបន្ទាន់គឺសំដៅទៅលើប្រទេសចំនួនបី ដែលកំពុងហែកហួរដោយសង្គ្រាមគឺប្រទេស ស៊ីរី យ៉ែមែន និងអាហ្គានីស្ថាន។ ចំនួនជនភៀសខ្លួនកាន់តែកើនឡើងៗចេញពីប្រទេសទាំងបីនេះសំដៅទៅទ្វីអឺរ៉ុបដែលមកដល់ពេលនេះមានជាច្រើនម៉ឺននាក់ហើយ៕ ប្រភព៖ The Nation
