នៅទីបំផុតប្រធានាធិបតីថ្មីសហរដ្ឋអាមេរិក បានជ្រើសយុទ្ធសាស្ត្រ ដដែលរបស់ ប្រធានាធិបតី អូបាម៉ា ដោយចោទប្រទេសចិនថា ជាអ្នកបង្ករឿង នៃបញ្ហាសមុទ្រចិនខាងត្បូង និងមានមហិច្ឆតា ធ្វើឱ្យមាន អស្ថេរភាព រូបិយប័ណ្ណ។
លោកដូណាល់ត្រាំ៖ «អោយតែចិន ស្នើស្អីពីយើង គឺយើងតែង OK។ តែទំនិញយើងចូលប្រទេស ចិន វិញ គេយកពន្ធខ្ពស់ គឺមិនត្រឹមត្រឹម។ រឿង បង្កភាពស្មុកស្មាញ ក្នុងចំលោះ សមុទ្រចិនខាងត្បូង តើយ៉ាងមេច ? ខ្ញុំមិនគិតដូច្នេះទេ»។
ការវាយប្រហាររបស់លោក ដូណាល់ត្រាំ លើ ប្រទេសចិន បន្ទាប់ពី ប្រទេសមហាអំណាចសេដ្ឋកិច្ចទី២នេះ បានសម្តែងកំហឹងដោយសារតែលោក ត្រាំ និយាយទូរស័ព្ទជាមួយប្រធានាធិបតីកោះតៃវ៉ាន់ ដែលក្រុងបេកាំងចាត់ទុកដីកោះមួយនេះជាខេត្តមួយរបស់ខ្លួន។
ការនេះ ទីក្រុងប៉េកាំងបាន ហៅកិច្ចសន្ទនា រវាងមេដឹកនាំកោះតៃវ៉ាន់និងអាមេរិក ថា ជាការរំលោភ លើកិច្ចផ្ទៃក្នុងរបស់ចិន។
នៅក្នុងយុទ្ធនាការរកសំឡេង ឆ្នោត នៃការបោះឆ្នោតប្រធានាធិបតីអាមេរិក លោក ដូណាល់ត្រាំ បានចាត់ទុក កិច្ចព្រមព្រៀងពាណិជ្ជកម្មជាមួយចិន ថា មិនស្មើភាព។ លោកគំរាម ថា នឹងពិនិត្យ កិច្ចព្រមព្រៀងឡើងវិញ។ ចំពោះករណីសមុទ្រចិន ខាងត្បូង លោក ដូណាល់ត្រាំគំរាម មិនឧ្យចិន ធ្វើមហាអំណាចនៅតំបន់នោះបានឡើយ។
អ្នកសង្កេតការណ៍ព្រមានថា ជម្លោះ ពាណិជ្ជកម្ម រវាងរដ្ឋការលោកដូណាល់ត្រាំ និងចិន អាចនឹងជៀសមិនរួចឡើយ។
មហាសេដ្ឋីអចលនទ្រព្យរូបនេះ នឹងចូលកាន់តំណែងប្រធានាធិបតីអាមេរិក លើកទី៤៥ នៅថ្ងៃទី២០ មករាឆ្នាំ២០១៧ ដែលការចូលកាន់តំណែងរបស់លោកគឺជំនួស លោកអូបាម៉ា៕
