ភ្នំពេញ ៖ សម្តេចនាយករដ្ឋមន្ត្រី ហ៊ុន សែន បានសម្តែងការគាំទ្រជាថ្មីទៀតនៃការសាងសង់ទំនប់វារីអគ្គីសនី ដនសាហង របស់ប្រទេសឡាវ។ សម្តេចបង្ហាញការគាំទ្រដូចនេះ ធ្វើឡើងនៅក្នុងជំនួបជាមួយប្រធានរដ្ឋសភាឡាវ លោកស្រី ប៉ានី យ៉ាថទូ កាលពីថ្ងៃសៅរ៍ ទី២៦ វិច្ឆិកា នៅរាជធានីភ្នំពេញ។
សម្តេចសរសេរនៅលើទំព័រហ្វេសប៊ុករបស់សម្តេចថា កម្ពុជានឹងឯកភាពសហការគ្នាលើវិស័យថាមពលនេះឲ្យល្អប្រសើរ។ ចំណែកប្រធានរដ្ឋ សភាឡាវបានសន្យាថា នឹងលក់ថាមពលអគ្គីសនីដែលផលិតពីទំនប់វារីអគ្គីសនី ដន សាហុង មកឲ្យប្រទេសកម្ពុជាក្នុងតម្លៃថោក ដើម្បីជាការរួមចំណែកអភិវឌ្ឍន៍ខេត្តនៅជាប់ព្រំដែនប្រទេសទាំងពីរ។
ទោះបីយ៉ាងនេះក្តី អង្គការសង្គមស៊ីវិលធ្លាប់បានសម្តែងការព្រួយបារម្ភ នៃការសាងសងទំនប់វារីអគ្គីសនី ដនសាហុង ដែលនឹងបង្កប៉ះពាលដល់ជីវៈចម្រុះ បំរែបំរួលចរន្តទឹក ពិសេស ប៉ះពាល់ដល់បំលាស់ទីរបស់ត្រី និងសត្វផ្សោតកម្ពុជា៕
