ជនអន្ដោប្រវេសន៍សហគមន៍រ៉ូហ៊ឹងយ៉ា ដែលរដ្ឋាភិបាលភូមា ចាត់ទុកថា ជាជនចំណាកស្រុកខុសច្បាប់ ត្រូវបានរាយការណ៍មកថា ពួកគេបានរត់ភៀសខ្លួន ទៅនៅប្រទេសបង់ក្លាដេស ជាស្រុកកំណើតរបស់ពួកគេវិញ បន្ទាប់ពីរងការវាយប្រហារដោយកងទ័ពភូមា។
តាមសេចក្ដីរាយការណ៍របស់ទីភ្នាក់ងារសារព័ត៌មានAFP ជនអន្ដោប្រវេសន៍ជាច្រើនរាប់ ពាន់នាក់ក្នុងមួយថ្ងៃៗ បានធ្វើដំណើរតាមទូកត្រឡប់ទៅប្រទេសកំណើតរបស់ពួកគេវិញ គឺ នៅប្រទេសបង់ក្លាដេស ។ ប្រភពដដែលបានបញ្ជាក់ថា ការវាយប្រហាររបស់ពួកកងទ័ពភូមារយៈពេលចុងក្រោយនេះ បានបណ្ដាលឲ្យជនអន្ដោប្រវេសន៍ រ៉ូហ៊ឹងយ៉ាជិត១០០នាក់បានស្លាប់ និង ៣ម៉ឺននាក់ទៀត បានរត់ភៀសខ្លួនចាកចេញពីលំនៅដ្ឋាន។
ការវាយប្រហារទៅលើពួកសហគមន៍ រ៉ូង ហ៊ឹងយ៉ា កើតឡើងបន្ទាប់ពីពួកយោធាភូមារកឃើញថាសហគមន៍នេះ មានអាវុធ ដើម្បីបំបែករដ្ឋរាក់ឃីងធ្វើជាទឹកដីស្វ័យត្នរបស់ខ្លួន។ សហគមន៍រ៉ូហ៊ឹងយ៉ានៃប្រទេសបង់ក្លាដេស បានរត់មករស់នៅក្នុងខេត្តរាក់ឃីងនៃប្រទេសភូមាតាំងពីសម័យអាណានិគមអង់គ្លេស។ ប៉ុន្ដែពួកគេ មិនអាចក្លាយជាពលរដ្ឋរស់នៅប្រទេសភូមាស្របច្បាប់ឡើយ ដោយរដ្ឋធម្មនុញ្ញប្រទេសនេះ ចាត់ទុកពួកគេជាអន្ដោប្រវេសន៍ខុសច្បាប់៕ The Nation
