ប្រធានាធិបតីហ្វីលីពីន Rodrigo Duterte បានសម្ដែងការរំពឹងទុកជាមុនចំពោះការធ្វើឲ្យល្អប្រសើរនៃទំនាក់ទំនងទ្វេភាគី ជាមួយប្រធានាធិបតីអាមេរិក ដែលទើបជាប់ឆ្នោតថ្មី គឺ លោក ដូណាល់ត្រាំ។
លោក Duterte បានរំពឹងដូចនេះ នៅពេលលោកត្រៀមចេញដំណើរទៅចូលរួមកិច្ចប្រជុំកំពូល សន្និសីទអាស៊ីប៉ាស៊ីហ្វិក ដែលនៅទីនោះ លោកត្រូវជួបសមភាគីរុស្ស៊ី លោកប្លាឌីមៀពូទីន ហើយក្នុងជំនួបនោះ លោកនឹងថ្លែងសរសើរចំពោះលោក ដូណាល់ត្រាំ នៅចំពោះមុខ លោកពូទីន។
យ៉ាងណាក៏ដោយ លោក Duterte បានក្លាយជាអមិត្តជាមួយលោក អូបាម៉ា ប្រធានាធិបតីអាមេរិក ដែលនឹងត្រូវចាកចេញពីតំណែងនៅឆ្នាំ២០១៧ខាងមុខនេះ ដោយសារតែលោកមានជម្លោះពាក្យសម្ដីជាមួយគ្នា។
លោក Duterte និងលោក ដូណាល់ត្រាំ ឆ្នាំនេះ មានអាយុ ៧១ ឆ្នាំដូចគ្នា។ ឥស្សរជនទាំងពីរ ត្រូវបានសារព័ត៌មាន ពិពណ៌នា ថា ជាមេដឹកនាំចរិកឆេឆាវដូចគ្នា។
លោក Duterte ចាត់ទុកលោកត្រាំ ថា ជាដៃគូដែលធ្វើអោយទំនាក់ទំនង ហ្វីលីពីន និងអាមេរិក កាន់តែរឹងមាំថែមទៀត ៕ប្រភព:CNA