ស៊ូ ចូវ៖ ប្រទេសចិនបានកែប្រែតំបន់ដែលបានជីកយករ៉ែ មកធ្វើជាតំបន់អេកូទេសចរណ៍ដើម្បីស្រូបយកផលប្រយោជន៍ពីភ្ញៀវទេសចរណ៍ជាតិ និងអន្ដរជាតិ មកផ្គត់ផ្គង់ដល់ជីវភាពរស់នៅរបស់ប្រជាជនរស់នៅក្នុងតំបន់នោះ។
តំបន់ដែលប្រទេសចិនបាន ជីកយករ៉ែរួចហើយ គឺគេមិនបានទុកដីតំបន់នោះចោលឥតប្រយោជន៍នោះទេ គេបានបង្កើតតំបន់នោះទៅជាបឹងមួយដែលមានឈ្មោះថា ផាង ហ៊ូ។
ក្រោយបង្កើតបឹង ផាង ហ៊ូ ដែលមានទំហំយ៉ាងធំនេះ ក៏បានទាក់ទាញភ្ញៀវទេសចរណ៍ជាតិ អន្ដរជាតិឲ្យចូលមកទស្សនាយ៉ាងច្រើនកុះករ។ បឹងដែលមានឈ្មោះល្បីមួយនេះអាចទាកទាញភ្ញៀវទេសចរណ៍ឲ្យចូលមកទស្សនាដោយអ្នកធ្វើដំណើរអាចជិះទូកកំសាន្ដដើម្បីមើលទេសភាពនៅជុំវិញបឹងមួយនេះទៀតផង។ ភ្ញៀវទេសចរណ៍ម្នាក់ត្រូវចំណាយថវិកា ៤០ យ័ន ប្រមាណជា ៧ដុល្លា ដើម្បីជិះទូកកំសាន្ដ។
នៅជុំវិញបឹង ផាង ហ៊ូ ហ៊ុំព័ទ្ធទៅដោយដើមឈើ ដែលធ្វើឲ្យមានការចាប់អារម្មណ៍ច្រើនពីភ្ញៀវទេសជាតិ និងអន្ដរជាតិឲ្យចូលមកជិះទូកកំសាន្ដផងដែរ។ ការបង្កើតបឹងមួយនេះទៀតសោតបានចូលរួមចំណែកឲ្យប្រជាជននៅក្នុងភូមិជិតបឹងនោះអាចប្រកប របរចិញ្ចឹមជីវិតដោយងាយស្រួល គឺពួកគាត់អាចនេសាទត្រី ធ្វើមគ្គទេសទេសចរណ៍ និងធ្វើរបស់របរអនុស្សាវរីយ៍ដើម្បីលក់ឲ្យទៅភ្ញៀវទេសចរណ៍ជាដើម។
បឹងដែលត្រូវបានដាក់ឈ្មោះថា ផាង ហ៊ូ នេះគឺដំបូងឡើយមានបុរសស្រស់សង្ហាម្នាក់ដែលជាពាណិជ្ជករ កាលពីសម័យរស់នៅតំបន់មួយនេះ ហើយបុរសម្នាក់នោះឈ្មោះថា ផាង ដោយសារតែបុរសរូបនោះបានរកឃើញ និងជួយទៅដល់ប្រជាជនរស់នៅតំបន់នេះតាមរយៈការបង្កើត ឲ្យមានប្រព័ន្ធធារាសាស្ដ្រទាក់ទាញអ្នកទេសចរណ៍ឲ្យមកកំសាន្ដ។ ដូចនេះទើប្រជាជនក្នុងខេត្ដ ស៊ូ ចូវ ដាក់ឈ្មោះបឹងនេះថា ផាង ហ៊ូ៕
