ភ្លាមៗបន្ទាប់ពីលទ្ធផលបោះឆ្នោត បង្ហាញថា លោក ដូណាល់ត្រាំ ឈ្នះឆ្នោត គឺ ពលរដ្ឋនិងអ្នកនយោយបាយមួយចំនួននៅសហរដ្ឋអាមេរិក ចាប់ផ្ដើមព្រួយបារម្ភអំពីការបែកបាក់ការឯកភាពជាតិ។
ក្នុងសុរន្ទកថា ទៅកាន់ប្រជាជនអាមេរិកកាំងរាប់រយលាននាក់ លោក ដូណាល់ត្រាំ បានថ្លែងថា ជម្នះរបស់លោក ដែលធ្វើជាប្រធានាធិបតីនេះ បង្ហាញថា ប្រជាជនអាមេរិក ភាគច្រើនត្រូវការ ការឯកភាពជាតិរឹងមាំមួយ។
លោក បានបញ្ជាក់ទៀតថា ចំពោះរូបលោកវិញ នឹងដើរតួនាទីជាមេដឹកនាំអាមេរិក ផ្សះផ្សា ជាតិគ្រប់និន្នាការនយោបាយទាំងអស់ ហើយតាំងខ្លួន ឲ្យក្លាយជាប្រធានាធិបតីអាមេរិកទាំងអស់គ្នា។
សារនយោបាយរបស់លោក ដូ ណាល់ត្រាំ ធ្វើឡើងភ្លាមៗ បន្ទាប់ពី ពលរដ្ឋអាមេរិកកាំងដែលនិយមកណ្ដាល និងពលរដ្ឋអាមេរិកកាំងស្បែកខ្មៅ បាននាំគ្នាដើរចេញតាមដងផ្លូវនានា ទូទាំងប្រទេស ធ្វើបាតុកម្ម បង្ហាញពីការសប្បាយចិត្ត ចំពោះលោក ដូណាល់ត្រាំ ដែលជាប់ឆ្នោតជាប្រធានាធិបតី។
អ្វីដែលនាំអោយមានការធ្វើបាតុកម្មនេះ ត្រូវបានបណ្ដាញផ្សាយព័ត៌មាន Channel News Asia ចុះផ្សាយថា ពលរដ្ឋទាំងនោះ ព្រួយបារម្ភពីការរើសអើងជាតិសាសន៍ព័ណ៌សម្បុរ និងការរឹតបន្តឹងច្បាប់អន្ដោប្រវេសន៍លើជាតិសាសន៍ដទៃ។
តែបែបនេះក្ដីគេសង្កេតឃើញអ្នកនយោបាយជើងចាស់មួយចំនួន របស់គណបក្សសាធារណរដ្ឋដែលពីមុនមិនបានគាំទ្រលោក ដូ ណាល់ត្រាំ គឺ ពួកគេ នៅពេលនេះក៏ចេញសេចក្ដីថ្លែងការណ៍សាទរ ជ័យជំនះលោកត្រាំផងដែរ។
អតីតប្រធានាធិបតី Gorge W Bush ដែលកាលពីថ្ងៃម្សិលមិញលោកថាលោកគាំទ្រ លោក ស្រី គ្លីន តុន។ តែឥលូវនេះ លោកសរសេរលិខិតមួយទៅកាន់លោក ដូណាល់ត្រាំ ដោយ សម្ដែងការសាទរយ៉ាងកក់ក្ដៅ ចំពោះជ័យជម្នះរបស់លោកត្រាំ ហើយសង្ឃឹមថា លោកត្រាំ នឹងដឹកនាំប្រទេស នាំអោយអាមេរិកកាន់តែក្លាយជាប្រទេសមហាអំណាចរឹងមាំថែមទៀត៕
