ក្រុមយុទ្ធនាការរកសម្លេងឆ្នោតរបស់លោកស្រី គ្លីន តុន បាននិយាយថា មនុស្សប្រហែល៤០០០០នាក់ កាលពីថ្ងៃម្សិលមិញ បានមកប្រមូលផ្ដុំគ្នាក្នុងពិធីមួយនៃការថ្លែងសុរន្ទកថា របស់លោកស្រី ហ៊ីលឡារី គ្លីនតុន បេក្ខជនប្រធានាធិបតីមកពីគណបក្សប្រជាធិបតេយ្យ។
តាមបណ្ដាញផ្សាយព័ត៌មាន Channel News Asia វត្តមានរបស់អ្នកគាំទ្រលោកស្រី គ្លីន តុន បានបង្ហាញពីការសាមគ្គីភាពដ៏ខ្លាំងមួយនៅមុនយុទ្ធនាការរកសម្លេងឆ្នោតត្រូវបានបិទបញ្ចប់។
តាមប្រភពដដែល លោកប្រធានាធិបតី បារ៉ាក់ អូបាម៉ា ក៏បានថ្លែងសុរន្ទកថា ទៅកាន់មហាជនទាំងនោះ ខណៈដែលប្រធានាធិបតី ប៊ិល គ្លីនតុន ក៏មានវត្តមាននៅទីនោះដែរ។ តាមសេចក្ដីរាយការណ៍មហាប្រជុំនេះធ្វើឡើង នៅឯវិមានឯករាជ្យនៃរដ្ឋ Philadelphia។
នៅខណៈដែលលោកស្រី គ្លីន តុន ជួបអ្នកគាំទ្រចុងក្រោយនេះ បេក្ខជនប្រធានាធិបតីមកពីសាធារណរដ្ឋ លោក ដូណាល់ ត្រាំ ក៏ធ្វើយុទ្ធនាការនៅរដ្ឋ Florida រដ្ឋ North Carolina និងរដ្ឋ Pennsylvania។
ការបោះឆ្នោតជ្រើសរើសប្រធានាធិបតីអាមេរិក នឹងចាប់ផ្ដើមនៅពេលទៀបភ្លឺ ម៉ោងនៅអាស៊ី រំលងអាធ្រាតយប់នេះ។
តាមការស្ទង់មតិដោយបណ្ដាញផ្សាយព័ត៌មាន ABC លោកស្រី គ្លីន តុន នៅតែបន្ដនាំមុខលោក ដូណាល់ ត្រាំ ប្រមាណជា១ភាគរយ នៅទូទាំងប្រទេស៕ ប្រភព CNA