ប្រធានាធិបតីកូរ៉េខាងត្បូង លោកស្រី ប៉ាក គុនហេ បានសុំទោសជាសាធារណៈ ចំពោះជនរួមជាតិ ដែល មិត្តភក្តិរបស់លោកស្រីម្នាក់នាំឱ្យមានរឿងអាស្រូវ តែលោកស្រីបដិសេធ ចំពោះការចោទថា លោកស្រីជាប់ពាក់ព័ន្ធរឿងរ៉ាងរបស់មិត្តសម្លាញ់របស់លោកស្រី។
លោកស្រី ប៉ាក គុនហេ បានថ្លែងដូចនេះ តាមកញ្ចក់ទូរទស្សន៍ របស់រដ្ឋ គឺបន្ទាប់ពី មិត្តជិតស្និទ្ធរបស់លោកស្រីគឺលោកស្រី ចយ ស៊ុន សិល ត្រូវបានរដ្ឋអាជ្ញាឃុំខ្លួន ករណីប្រើប្រាស់ឥទ្ធិពលរបស់លោកស្រី ដើម្បីអង្គាសប្រាក់ មូលនីធិ។
លោកស្រី ប៉ាក គុនហេ បន្តថា លោកស្រីនឹងឆ្លើយបំភ្លឺ នូវការសង្ស័យ មកលើលោកស្រី តែ លោកស្រី បដិសេធការបង្ខំឱ្យលោកស្រី ចុះចេញពីតំណែង។ តែ បក្សប្រឆាំង និយាយថា ការថ្លែងសុំទោសរបស់លោកស្រី ប៉ាក មិនមានភាពសុច្ចរឹត ឡើយ។
តាមបណ្ដាញផ្សាយព័ត៌មាន BBC លោកស្រីប៉ាក ដែលចេញមុខថ្លែងតាមកញ្ចក់ទូរទស្សន៍ ដូចនេះ គឺធ្វើឡើងបន្ទាប់ពីមានពាក្យចចាមអារ៉ាមថា លោកស្រី ត្រូវបានឃុំខ្លួនក្នុងវិមានប្រធានាធិបតី ៕ ប្រភព:BBC
