អាជ្ញាធរប៉ាគីស្ថាន ក្នុងសប្ដាហ៍នេះ បើកយុទ្ធនាការបោសសំអាត ជនបរទេសដែលប្រើប្រាស់អត្ដសញ្ញាណប័ណ្ណមិនស្របច្បាប់ ដោយរកឃើញយ៉ាងតិច៦០៦៧៥នាក់។
យុទ្ធនាការនេះធ្វើឡើងសំដៅជំរឿនប្រជាជនប៉ាគីស្ថាន ដែលមានអាយុឆ្នាំ១៨ឆ្នាំឡើងទៅ មានសិទ្ធិប្រើប្រាស់អត្ដសញ្ញាណប័ណ្ណសម្គាល់សញ្ជាតិប៉ាគីស្ថាន ប៉ុន្ដែក្នុងនោះមានការសង្ស័យជាច្រើន ថា ជនបរទេសដែលរត់មកជ្រកកោនក្នុងជំរុំជនភៀសខ្លួនអំឡុងពេលប្រទេសអាហ្គានីស្ថានមានសង្គ្រាមស៊ីវិល ជនបរទេសនោះក៏ជ្រៀតចូលប្រទេសប៉ាគីស្ថាន។
តាមច្បាប់ប្រទេសឥស្លាមមួយនេះ ជនបរទេសដែលលួចប្រើប្រាស់អត្ដសញ្ញាណប័ណ្ណ ប៉ាគីស្ថានដោយមិនស្របច្បាប់គឺជននោះមានទោស ១៤ឆ្នាំ និងពិន័យជាប្រាក់ពី៣០០០ ទៅ៥០០០ ពាន់ដុល្លារ ហើយក្រោយពីជាប់ពន្ធនាគារ ត្រូវបណ្ដេញចេញពីប្រទេស ផង ដែរ។
ក្នុងចំណោមជនបរទេសកាន់អត្ដសញ្ញាណប័ណ្ណដែលអាជ្ញាធរថា មិនស្របច្បាប់ ឬក្លែងក្លាយ គឺ ភាគច្រើនពួកគេ ជាជនចំណាកស្រុកមកពីអតីតសហភាពសូវៀត។ ជាមួយគ្នានេះសមត្ថកិច្ចបានរកឃើញក្មេងស្រីម្នាក់ ភ្នែកពណ៌បៃតង ដើមកំណើតមកពីអឺរ៉ុបខាងកើត។
ក្មេងស្រីម្នាក់នេះ ត្រូវបាននាំខ្លួនទៅតុលាការកាលពីថ្ងៃម្សិលមិញ ដោយតុលាការ រកឃើញថា ប្រើប្រាស់អត្ដសញ្ញាណប័ណ្ណក្លែងក្លាយ។ ក្មេងស្រីនេះមានឈ្មោះដើម Sharbat Gula ហើយ ឈ្មោះកែប្រើក្នុងអត្តសញ្ញប័ណ្ណ គឺSharbat Bibi។
ប្រជាជនប៉ាគីស្ថានមានចំនួន ១៨២លាននាក់ ក្នុងនោះអ្នកដែលបានទទួលអត្ដសញ្ញាណប័ណ្ណត្រឹមត្រូវមានចំនួនជិតមួយរយលាននាក់៕ ប្រភព: the national world