បេក្ខជនប្រធានាធិបតី នៃគណបក្សប្រជាធិបតេយ្យ លោកស្រី Hillary Clinton និងបេក្ខជនគណបក្សសាធារណរដ្ឋ Donald Trump បានប្រកួតគ្នាចូលដល់ដំណាក់កាលចុងក្រោយហើយ មុននឹងការបោះឆ្នោត ចូលមកដល់នៅដើមខែវិច្ឆិកាខាងមុខនេះ។
ប្រធានបទនៃការជជែកដេញដោលលើវេទិកាបេក្ខជនប្រធានាធិបតីនៅថ្ងៃនេះ គឺ លោកស្រី Clinton លើកឡើងអំពីសិទ្ធិរបស់ស្ដ្រី និងសិទ្ធិបុរស និងស្ដ្រីស្រឡាញ់ភេទដូចគ្នា។ ចំណែកឯ លោក Donald Trump នឹងលើកឡើងអំពីសិទ្ធិនៃការកាន់អាវុធ។
តាមបណ្ដាញផ្សាយព័ត៌មាន BBC វេទិកា របស់បេក្ខជនទាំងពីរនេះ ធ្វើឡើងនៅរដ្ឋ Las Vegas។ បេក្ខជនទាំងពីរ បានធ្វើដំណើរដោយយន្ដហោះផ្ទាល់របស់ពួកគេ ទៅដល់ ព្រលានយន្ដហោះនៃ រដ្ឋ Las Vegas រួចរាល់ហើយ។
មុននឹងការបោះឆ្នោតនេះ ការស្ទង់មតិមួយបានបង្ហាញថា លោកស្រី Clinton នៅបន្ដនាំមុខលោក Donald Trump រវាង ៤៧ និង៤៣។
ប្រជាជនអាមេរិក នឹងចេញទៅបោះឆ្នោតនៅថ្ងៃទី ៨វិច្ឆិកាខាងមុខនេះ ដែលជាការជ្រើសរើសប្រធានាធិបតីលើកទី៤៦ ជំនួសលោក អូបាម៉ា ដែលត្រូវចាកចេញពីតំណែង បន្ទាប់ពីលោក បានកាន់តំណែងរយៈពេល៨ឆ្នាំ ស្មើនឹង២អាណត្តិ៕ប្រភព:BBC