ភ្នំពេញ៖ សមាជិកសភា គណបក្សសង្គ្រោះជាតិ ដែលជាសមាជិកអចិន្ត្រៃយ៍នៃរដ្ឋសភា បានចូលប្រជុំសភានៅថ្ងៃនេះ គឺជាលើកដំបូង បន្ទាប់ពីបានខកខាន ជាង៣ខែដោយសារ សម្ដែងការជំទាស់ ការធ្វើទុក្ខបុកម្នេញខាងនយោបាយ។
អ្នករាយការណ៍ព័ត៌មាននៃវិទ្យុស្ត្រី បានរាយការណ៍មកថា សមាជិកសភា មកពី គណបក្សសង្គ្រោះជាតិចំនួន ៥រូប មានលោក អេងឆៃអ៊ាង លោក យែម ប៉ុញ្ញាឬទ្ធិ លោកស្រី កែ សុវណ្ណរតន៍ និង ហូរ វ៉ាន់ បានចូលប្រជុំសភា នៃក្រុមអចិន្ត្រៃយ៍ នៃរដ្ឋសភាជាមួយនឹងសមាជិកសភា នៃគណបក្សប្រជាជនកម្ពុជា ក្រោមការដឹកនាំអង្គប្រជុំដោយ សម្ដេចហេង សំរិន ប្រធានរដ្ឋសភា។
ការចូលប្រជុំសភា របស់សមាជិកសភា គណបក្សសង្គ្រោះជាតិធ្វើឡើង បន្ទាប់ពីការផ្ដល់សញ្ញាពីសម្ដេច ហ៊ុន សែន ថា បើចង់ចរចាឡើងវិញ គឺត្រូវចូលប្រជុំសភា ឬធ្វើការនៅសភា ដែលជំហរនេះ នាំឱ្យ គណបក្សប្រឆាំង ធំជាងគេធ្វើសេចក្ដីសម្រេចជាថ្មីដូចនេះ៕
