ភ្នំពេញ៖ ក្រសួងបរិស្ថាននឹងរៀបចំ«វេទិការយុវជនឆ្នើមថ្នាក់ជាតិជជែកពិភាក្សាអំពីបញ្ហាបរិស្ថាន វគ្គដំបូង» ក្នុងគោលបំណង់បង្កើនសមត្ថភាពយុវជនក្នុងការជជែកវែកញែក និងស្វែងរកលទ្ធផលសិក្សាស្រាវជ្រាវថ្មីៗ អំពីបញ្ហាបរិស្ថាន ដើម្បីផ្តល់គុណតម្លៃនៃការចែករំលែងចំណេះដឹង និងព័ត៌មានដល់សាធារណៈជន និងអ្នករៀបចំគោលនយោបាយក្នុងការបង្កើនប្រសិទ្ធិភាពនៃការគ្រប់គ្រងបរិស្ថាន។
«វេទិការយុវជនឆ្នើមថ្នាក់ជាតិជជែកពិភាក្សាអំពីបញ្ហាបរិស្ថាន វគ្គដំបូង»នេះ នឹងប្រព្រឹត្តិទៅនៅថ្ងៃទី ២៦ ខែ កញ្ញា នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) វេលាម៉ោង ៨ ព្រឹក។
វេទិការនេះបានផ្តួចផ្តើមឡើងដោយក្រសួងបរិស្ថានដំបូងបង្អស់ ដែលនិស្សិតកម្រិតបញ្ញាបត្រមកពីសាកលវិទ្យាល័យចំនួន ១៦ នៅក្នុងរាជធានីភ្នំពេញចូលរួមដើម្បីក្រកួតពិភាក្សាគ្នា ដោយផ្តោតលើវិស័យកិច្ចគាំពារបរិស្ថាន អភិរក្សជីវៈចម្រុះ និងអភិវឌ្ឍន៍ដោយចីរភាព ក្នុងគោលបំណង់បង្កើនសមត្ថភាពយុវជនកម្ពុជា៕