ស៊ីរី៖ ក្រុមគ្រូពេទ្យបាននិយាយថា ការវាយប្រហារ ពីអាកាសមួយនៅជិតទីក្រុងអាឡេប៉ូ បានសម្លាប់ទីភ្នាក់ងារ បុគ្គលិកជំនួយវេជ្ជសាស្ត្រអន្តរជាតិចំនួន ៤ នាក់។
បណ្តាញផ្សាយព័ត៌មាន BBC ដែលស្រង់ប្រភពពី អង្គការគាំពារ សហភាព និងជំនួយសង្គ្រោះវេជ្ជសាស្ត្រដែលមានមូលដ្ឋាននៅទីក្រុងប៉ារីស (UOSSM) បាននិយាយថា ការវាយប្រហារតាមអាកាស ការសម្លាប់ក្រុមគ្រូពេទ្យ គឺជាកំណត់គោលដៅ។
ក្រុមឃ្លាំមើលសិទ្ធិមនុស្សបាននិយាយថា យ៉ាងតិចណាស់យុទ្ធជនឧទ្ទាមប្រាំបួននាក់ត្រូវបានសម្លាប់ផងដែរ។
ការវាយប្រហារនេះបានកើតឡើងមួយថ្ងៃបន្ទាប់ពី ក្បួនរថយន្តជំនួយត្រូវបានកំណត់គោលដៅក្នុងការវាយប្រហារ។
សហរដ្ឋអាមេរិកនិយាយថា ប្រទេសរុស្ស៊ីត្រូវតែទទួលខុសត្រូវ ចំពោះការវាយប្រហារកាលពីថ្ងៃចន្ទ ដោយបានបំផ្លាញរថយន្តធំ ២០ គ្រឿង, បានសម្លាប់ជនស៊ីវិលប្រហែល ២០នាក់ ដោយអាមេរិកបានហៅការវាយប្រាហារនេះថា ឧក្រិដ្ឋកម្មសង្គ្រាម។
ប៉ុន្តែរុស្ស៊ីបានបដិសេធ ថាយន្តហោះខ្លួនមិនបានចូលរួម ជាមួយយន្តហោះរបស់ស៊ីរី នៅក្នុងការបើកវាយប្រហារនោះ។ រុស្ស៊ីបាននិយាយថាការវាយប្រហារនេះគឺ ឧបទ្ទវហេតុត្រូវបានបាញ់ចេញពីដី គឺមិនមែនជាការវាយប្រហារ ពីលើអាកាសនោះទេ។ ប្រភព BBC