ពួកមន្ដ្រីឆ្មាំសមុទ្រប្រទេសអេហ្ស៊ីប ឱ្យដឹងថា ជនភៀសខ្លួនយ៉ាងតិច ៤២នាក់បានលង់ទឹក ដោយសារតែទូករបស់ពួកគេ បានក្រឡាប់លិចនៅផ្នែកមួយនៃសមុទ្រប្រទេសអេហ្ស៊ីប។
ពួកមន្ដ្រីឆ្មាំសមុទ្របន្ដថា ទូកនោះបានដឹកជនភៀសខ្លួនប្រមាណជា ៦០០នាក់ ដោយពួកគេមកពីប្រទេសអេហ្ស៊ីប ស៊ីរី និងប្រទេសមួយចំនួនពីប្រទេសអាហ្វ្រិច ដោយសំដៅទៅទ្វីបអ៊ឺរ៉ុប។
តាមបណ្ដាញផ្សាយព័ត៌មាន BBC នេះជាឧបទ្ទវហេតុ ថ្មីទៀត ដែលកើតឡើងជាញឹកញាប់ ដោយសម្លាប់ជនភៀសខ្លួនដែលស្វែងរកសិទ្ធិជ្រកកោន ទៅទ្វីបអ៊ឺរ៉ុប ប្រមាណជិត៣ពាន់នាក់។
ប្រភពដដែលនេះបញ្ជាក់ថា កាលពីឆ្នាំ២០១៥ ពួកមន្ដ្រី ទូកដឹកអ្នកដំណើរជនភៀសខ្លួន ប្រមាណជា៦ពាន់៦រយនាក់ ក៏បានលិចនៅសមុទ្រ មេឌីទែរ៉ាណេ។ ប៉ុន្ដែ ភាគច្រើនត្រូវបានជួយសង្គ្រោះ។
ពួកមន្ដ្រីអ៊ឺរ៉ុបបាននិយាយថា រយៈពេលមួយខែនៃខែសីហានេះ ជនភៀសខ្លួនបានមកដល់ទ្វីប អ៊ឺរ៉ុបជាង១ម៉ឺន២ពាន់នាក់៕ប្រភព BBC