ក្រុងញូវយ៉ក៖ ទីភ្នាក់ងារព័ត៌មានរ៉យទ័របានរាយការណ៍មកថា មានការបំផ្ទុះគ្រាប់បែកមួយយ៉ាងរញ្ជួយក្រុងឆេលស៊ី(Chelsea) កាលពីយប់ថ្ងៃសៅរ៍ទី១៧កញ្ញា នៅតំបន់ Manhattan។ ហេតុការណ៍នេះ បានជំរុញឱ្យនគរបាលក្រុងញូវយ៉ក និងបុគ្គលិកពន្លត់អគ្គិភ័យមកធ្វើអន្តរាគមនៅទីកើតហេតុនោះ។
យ៉ាងតិចណាស់មានមនុស្សបីនាក់ ត្រូវបានគេឃើញថាបាននាំយកចេញពីកន្លែងកើតហេតុនៃការបំផ្ទុះបញ្ជូនចូលក្នុងរថយន្តសង្គ្រោះបន្ទន់ ប៉ុន្តែពួកគេទាំងបីនាក់នោះ នៅមិនដឹងថារងរបួសធ្ងន់ធ្ងរយ៉ាងណានោះទេ។
នៅមុនពេលកើតហេតុ សាក្សីបានឃើញរថយន្តមួយគ្រឿងបើកបរចូលតំបន់នោះ រួចក៏បានបើកបង្អួចរថយន្ត ហើយផ្លុំចោលរបស់ម្យ៉ាងមកក្រៅ៕ប្រភព៖CNA
