ភ្នំពេញ៖ មន្ត្រីប៉ូលីសនិយាយថា ពួកសកម្មប្រយុទ្ធអ៊ីស្លាមនៅក្នុងប្រទេសហ្វីលីពីនបានដោះលែងបុរសជនជាតិន័រវេសមួយរូប ដែលពួកនេះបានចាប់ជាចំណាប់ខ្មាំង។
ក្រុមជីហាដ អាបុល សៃយ៉ាស(Abu Sayyaf) បានដោះលែងចំណាប់ខ្មាំងម្នាក់ឈ្មោះថា Kjartan Sekkingstad នៅភាគខាងត្បូងខេត្ត ស៊ូលូ កាល ពីថ្ងៃសៅរ៍ទី១៧កញ្ញា។
បើតាមសេចក្តីរាយការណ៍មកថា គេនៅមិនទាន់ដឹងពីតម្លៃនៃការដោះដូរដែលត្រូវបង់ឱ្យពួកក្រុមចោរចាប់ជំរិតនៅឡើយនៅទេ។
ក្រុមចោរចាប់ជំរិតចំនួនបួនក្រុម បានក្តោបយករមណីយដ្ឋានមួយកន្លែងរយៈពេលជាង ១ ឆ្នាំមកហើយ។ កាលពីខែមិថុនា ស្ត្រីជនជាតិហ្វីលីពីនត្រូវបានដោះលែងពីការចាប់ជំរិតនៅក្នុងរមណីយដ្ឋាននោះ។
ក្រុម Abu Sayyaf កំពុងប្រយុទ្ធប្រឆាំងដើម្បីទទួលបានរដ្ឋអ៊ីស្លាមឯករាជ្យមួយនៅហ្វីលីពីន។
លោក សេក គីនស្ទាក(Sekkingstad) ត្រូវបានដោះលែងនៅក្នុងទីក្រុងនៃ Patikul នៅលើកោះ Jolo ។ គាត់ត្រូវបានគេប្រគល់ទៅឱ្យពួកឧទ្ទាមនៃក្រុមរណសិរ្សរំដោះជាតិ Moro ដែលបានចុះហត្ថលេខាលើកិច្ចព្រមព្រៀងសន្តិភាពជាមួយរដ្ឋាភិបាលនាពេលកន្លងទៅ។
ប្រធានាធិបតីហ្វីលីពីនលោក Rodrigo Duterte បានស្នើឡើងកាលខែសីហា ដោយលោកថា លោកបានបង់ថ្លៃលោះដែលមានទំហំទឹកប្រាប់ធំមួយរួចហើយ ប៉ុន្តែថាក្រុមជីហាដនៅតែមិនព្រមដោះលែងលោក Sekkingstad ដដែរ។
យ៉ាងណាពួកកងទ័ពបាននិយាយកាលពីថ្ងៃសៅរ៍ថា លោក Sekkingstad បានត្រូវបានដោះលែងដោយសារតែការវាយប្រហារពីសំណាក់ពួកសកម្មប្រយុទ្ធទៅវិញនោះទេ។
កាលពីខែមេសាពួកសកម្មប្រយុទ្ធដែលជាក្រុមចោរចាប់ជំរិតនេះ បានសម្លាប់ដោយកាត់ក្បាលជនជាតិកាណាដាលោក John Ridsdel នៅក្រុង Robert បន្ទាប់ពីកាលកំណត់នៃការលោះបានផុតកំណត់មួយសប្តាហ៍៕ប្រភព៖BBC