Aleppo៖ ប្រព័ន្ធផ្សព្វផ្សាយរបស់ក្រុមរដ្ឋឥស្លាមបានផ្សាយថា មេដឹកម្នាក់ក្នុងចំណោមមេដឹកនាំចាស់វស្សាជាងគេ និងមានភាពលេចធ្លោបំផុតនៃក្រុមសកម្មប្រយុទ្ធរដ្ឋអ៊ិស្លាម (IS) គឺលោក អាប៊ូ ម៉ូហាមេត អាល់អាណានី ត្រូវបានគេសម្លាប់នៅក្នុងប្រទេសស៊ីរី។
ទីភ្នាក់ងារ Amaq បានរាយការណ៍ថា លោក Abu Muhammad al-Adnani បានស្លាប់នៅក្នុងខេត្តអាឡិបប៉ូ (Aleppo) ។
លោក Adnani ត្រូវបានគេស្គាល់យ៉ាងច្បាស់ និងមានរហ័សនាមថា អ្នកប្រយុទ្ធឆ្កែចចកភាគខាងលិច។
ទីភ្នាក់ងារ Amaq បានបន្តថា លោក អាណានី ត្រូវបានគេសម្លាប់ ខណៈពួកយោធាបានបើប្រតិបត្ដិការវាយរុញច្រានទៅដល់ក្រុងអាឡិបប៉ូ។
ការប្រយុទ្ធគ្នាបានកើនឡើងនៅក្នុងទីក្រុងនេះ នៅសប្តាហ៍នេះ ពួកឧទ្ទាមរដ្ឋឥស្លាមត្រូវបានគេឡោមព័ទ្ធវាយបំបែកដោយកម្លាំងរដ្ឋាភិបាល និងទ័ពស៊ីរី ហើយទ័ពអាកាសរុស្ស៊ីបានបញ្ចេញយន្តហោះចម្បាំងវាយប្រហារតាមផ្លូវអាកាសលើតំបន់ដែលពួកឧទ្ទាមរដ្ឋឥស្លាមកាន់កាប់៕
ប្រភព៖BBC