អាមេរិក៖ ចៅក្រមអាមេរិកកាលពីថ្ងៃចន្ទ ម្សិលមិញ បានបង្គាប់ឲ្យក្រសួងការបរទេស ពិនិត្យឡើងវិញ ឯកសារក្នុងអ៊ីម៉ែលចំនួន ១៤៩០០ របស់លោកស្រី Hillary Clinton ដែលភ្នាក់ងារ FBI បានរកឃើញ នៅពេលដែលគេស៊ើបអង្កេតអ៊ីម៉ែលផ្ទាល់ខ្លួនរបស់លោកស្រី ក្នុងតួនាទីរដ្ឋមន្ត្រីក្រសួងការបរទេស។
តាមបណ្ដាញផ្សាយព័ត៌មាន BBC ចៅក្រមនឹងបើកសវនាការនៅថ្ងៃទី ២៣ខែកញ្ញា បន្ទាប់ពីអ៊ីម៉ែលរបស់លោកស្រី Hillary Clinton ត្រូវបានគេបញ្ចេញ។ ករណីនេះនឹងក្លាយជាបញ្ហាចោទសួរពីសាធារណជនមួយចំនួន មុនការបោះឆ្នោតប្រធានាធិបតី នៅថ្ងៃទី០៨ខែវិច្ឆិកា រវាងគូរប្រជែងនៃគណបក្សប្រជាធិបតេយ្យ លោកស្រី គ្លីនតុន ជាមួយ គណបក្សសាធារណរដ្ឋរបស់លោក Donald Trump។
សំនួរជាច្រើនអំពីអ៊ីម៉ែលរបស់លោកស្រី គ្លីនតុន គឺជាការ ខិតខំប្រឹងប្រែងរបស់សេតវិមានឆ្លើយតបការិយាល័យសហព័ន្ធស៊ើបអង្កេត ប៉ុន្តែលោកស្រី គ្លីនតុន ដែលមិនខ្វល់ខ្វាយ អំពីព័ត៌មានដ៏រសើប ដោយប្រើប្រាស់អ៊ីម៉ែលឯកជន។
អ្នកនាំពាក្យក្រសួងការបរទេសលោក Mark Toner បានប្រាប់អ្នកកាសែតថា ឯកសារក្នុងអ៊ីម៉ែលនេះ ត្រូវបានគេពិនិត្យឡើងវិញចំនួន ១៤៩០០។ លោកបាននិយាយថា វាមិនច្បាស់ថាតើឯកសារចំឡងមានចំនួនប៉ុន្មានត្រូវបានចេញផ្សាយរួចរាល់ហើយនោះ ប៉ុន្តែទំនងជាមានការពិតមួយចំនួន មិនត្រូវបានបង្ហាញពីមុន។
សូមជម្រាបថា ករណីនេះនាំឱ្យ លោកស្រី Hillary Clinton បាក់មុខជាខ្លាំងដោយ បេក្ខជន មកពីគណបក្ស សាធារណរដ្ឋ វាយប្រហារយ៉ាងខ្លាំង៕ ប្រភព៖ Reuter
