ស្ថិតនៅក្បែរច្រាំងទន្លេនៃគីឡូម៉ែត្រលេខ៦ ក្នុងខណ្ឌឫស្សីកែវ រាជធានីភ្នំពេញ មានសហគមន៍មួយឈ្មោះថា សហគមន៍ស្ដ្រីក្លាហាន បានស្នើឱ្យរដ្ឋាភិបាលចុះបញ្ជីកម្មសិទ្ធិដីធ្លីដល់ពួកគេ ខណៈពួកគេមករស់នៅ និងចិញ្ចិមជីវិតលើទឹកដីតំបន់នេះ តាំងពីឆ្នាំ១៩៨៩មកម៉្លេះ។ សព្វថ្ងៃនេះ ប្រជាសហគមន៍រស់នៅក្នុងជីវភាពជំពាក់បំណុល និងគ្មានលិខិតបញ្ជាក់ពីកម្មសិទ្ធលើដីធ្លីរបស់ពួកគេនោះទេ។ នេះបើតាមការឱ្យដឹងពីលោកស្រី ផានី តំណាងប្រជាសហគមន៍ ក្នុងសហគមន៍ស្ដ្រីក្លាហាន។ លោកស្រី នឹងចូលរួមផ្ដល់បទសម្ភាសន៍ពាក់ព័ន្ធនិងសហគមន៍របស់ខ្លួន ដោយលោក ឡាក់ ច័ន្ទតារា ជាអ្នកចោទសួរ។ សូមនាង កញ្ញា លោក លោកស្រី អញ្ចើញស្ដាប់បទសម្ភាសន៍ដូចតទៅ៖
