បន្ទប់ប្រឡងនៅ Planned Parenthood in Flossmoor ក្នុងឆ្នាំ២០១៨។ រូបថត NBC News
អត្ថបទសិក្សាស្រាវជ្រាវដែលត្រូវបានបោះពុម្ពដោយ មជ្ឈមណ្ឌលផ្នែកវិជ្ជសាស្រ្តអន្តរជាតិមួយឈ្មោះថា JAMA Internal Medicine ប៉ាន់ប្រមាណថានៅទូទាំងរដ្ឋទាំង១៤ នៃសហរដ្ឋអាមេរិកមានករណីរំលោភប្រមាណជិត៥២ម៉ឺននាក់។ ក្នុងនោះគេរកឃើញថាស្រ្តី និងក្មេងស្រីជាង៦៤,៥៦៥នាក់ (៦ម៉ឺន ៤ពាន់នាក់) មានផ្ទៃពោះ ហើយពួកគេត្រូវតែទុកទារកទាំងនោះដោយហេតុថានៅសហរដ្ឋអាមេរិកមិនអនុញ្ញាតឱ្យមានច្បាប់យកកូនចេញជាដាច់ខាត ខណៈបច្ចប្បន្នលោក Joe Biden កំពុងតែពិភាក្សាអំពីការពង្រីកសិទ្ធិបន្តពូជ និងដាក់គោលនយោបាយការការពាររំលូតកូន ក្នុងឱកាសដែលខ្លួនគ្រោងឈរឈ្មោះបោះឆ្នោតជាថ្មីនៅអាណត្តិក្រោយៗទៀត។ នេះបើយោងតាមទៅភ្នាក់ងារសារព័ត៌មានអន្តរជាតិ NBC News ចុះផ្សាយនៅថ្ងៃទី២៥ ខែមករា ឆ្នាំ២០២៤។
សារព័ត៌មាន NBC News ចេញផ្សាយអត្ថបទស្រាវជ្រាវរបស់ JAMA Internal Medicine ដោយផ្អែកទៅលើទិន្នន័យពីមជ្ឈមណ្ឌលគ្រប់គ្រង និងបង្ការជំងឺ និងការិយាល័យស្ថិតិយុត្តិធម៌ រួមទាំងភ្នាក់ងារ FBI ដើម្បីបង្កើតការប៉ាន់ស្មាន ដែលនិយាយពីករណីរំលោភសេពសន្ថវៈនៅសហរដ្ឋអាមេរិក ហើយក្នុងនោះខ្លឹមសារបង្ហាញថា ស្ត្រី និងក្មេងស្រីជាង ៦៤,000 នាក់ នៅក្នុងរដ្ឋចំនួន១៤ មានផ្ទៃពោះដោយសារតែករណីររំលោភ។ ក្នុងនោះគេរកឃើញថា រដ្ឋតិចសាស់ ជាប់ចំណាត់ថ្នាក់កំពូល ដោយ ៤៥ភាគរយនៃការមានផ្ទៃពោះមានជាប់ពាក់ព័ន្ធនឹងការរំលោភ។ មតិជាច្រើនលើកឡើងថាបញ្ហានេះកើតមានឡើងជាកំហុគ ក៏ព្រោះតែ សំណុំរឿងរបស់តុលាការកំពូលនៅសហរដ្ឋអាមេរិក បដិសេធគោលនយោបាយការការពារការរំលូតកូនស្របច្បាប់ ដោយមនុស្សជាច្រើនអះអាងថាការរំលូតកូនដោយសុវត្ថិភាព និងស្របច្បាប់គឺជាសិទ្ធិតាមរដ្ឋធម្មនុញ្ញសហព័ន្ធហើយត្រូវតែទទួលស្គាល់។ សំណុំរឿងនេះគេតែងនិយមហៅថា Roe v. Wade។ ទាក់ទងករណីនេះវិទ្យាស្ថាន Guttmacher ដែលជាអង្គការគាំទ្រសិទ្ធិរំលូតកូនសង្កេតឃើញថា បច្ចប្បន្ន រដ្ឋចំនួន ១២ កំពុងអនុវត្តការហាមឃាត់ស្ទើរតែពេញលេញទៅលើការរំលូតកូន។ ចំណែកឯទស្សនៈផ្សេងទៀតគេយល់ថាសហរដ្ឋអាមេរិកនៅមិនទាន់ពង្រឹង និងចាត់វិធានការទៅលើជនប្រព្រឹត្តិបានឡើយ បើទោះបីជាគេស្គាល់ថាអាមេរិកជាប្រទេសសេរីមានអំណាចក្តី។
ជុំវិញករណីនេះ ក្នុងបទសម្ភាសន៍ជាមួយអ្នកសារព័ត៌មាន អ្នកស្រីវេជ្ជបណ្ឌិត Kari White នាយិកាប្រតិបត្តិ និងជានាយកវិទ្យាសាស្ត្រនៃក្រុមគាំទ្រសិទ្ធិរំលូតកូន Resound Research for Reproductive Health និយាយថា តួលេខនេះគឺ«ខ្ពស់គួរឱ្យភ្ញាក់ផ្អើល» សម្រាប់នាង។ វេជ្ជបណ្ឌិតរូបនេះនិយាយក្នុងសម្រង់សម្តីដើមថា «ជាអកុសល ខ្ញុំគិតថាទិន្នន័យនៃការប៉ាន់ស្មាននេះ ពិតជាឆ្លុះបញ្ចាំងពីរបៀបនៃការរំលោភសេពសន្ថវៈនៅសហរដ្ឋអាមេរិក»។
យោងតាម របាយការណ៍មួយហៅកាត់ថា CDC បង្ហាញថា អំពើហិង្សាផ្លូវភេទប៉ះពាល់ដល់មនុស្សរាប់លាននាក់ជារៀងរាល់ឆ្នាំនៅសហរដ្ឋអាមេរិក។ ទិន្នន័យគូសបញ្ជាក់ថា មនុស្សមួយនាក់ក្នុងចំណោម៣នាក់ បានជួបប្រទះអំពើហឹង្សាផ្លូវភេទ ហើយមានពាក់ព័ន្ធនឹងបញ្ហាផ្លូវចិត្ត និងសុខភាពរាងកាយ។
ជាការឆ្លើយតប សារព័ត៌មាន NBC News ក៏បានដកស្រង់សម្តីរបស់ប្រធានាធិបតី Joe Biden ថាប្រធានបទនេះត្រូវបានយកទៅជជែក និង ពិភាក្សាបន្ថែមដោយពង្រឹងការយកចិត្តទុកដាក់ អំពីសិទ្ធិបន្តពូជ។ ក៏ប៉ុន្តែបញ្ហានេះមិនទាន់ដាក់ចេញជាដំណោះស្រាយភ្លាមទេ ដោយលោកគ្រោងនឹងដាក់បញ្ចូលជាគោលនយោបាយក្នុងការឈរឈ្មោះបោះឆ្នោតនៅអណត្តិក្រោយៗ ហើយលោកនឹងលើកជាប្រធានបទជជែកក្នុងសភា ដើម្បីអនុម័តច្បាប់ ក្នុងគោលបំណងស្តារការការពាររំលូតកូន ដែលមកលោកក៏ធ្លាប់បានចុះហត្ថលេខាលើសំណុំរឿង Roe v. Wade ផងដែរ៕
ប្រភព៖ សារព័ត៌មាន NBC News ថ្ងៃទី២៥ ខែមករា ឆ្នាំ២០២៤
